VIL DU SKRIVE FOR ALLKUNNE?Allkunne er eit digitalt nynorsk leksikon. Mange forfattarar produserer artiklar for Allkunne, men vi treng fleire! Artiklane i Allkunne blir honorerte etter vanlege leksikonsatsar.Vi er òg på jakt etter fagkonsulentar med formell kompetanse innan fagfelta biologi, kjemi, meteorologi og offentleg administrasjon. Andre fagfelt er òg aktuelle, ta kontakt om du er interessert. Fagkonsulentar blir honorert etter standard satsar. For meir informasjon, kontakt dagleg leiar på allkunne@allkunne.no   | VernepliktI Noreg er allmenn verneplikt slått fast i Grunnlova § 109. Verneplikta byrjar det året ein fyller 19 år, og varer ut det året ein fyller 44 år Verneplikt, den plikta statsborgarane i eit land har til å delta i forsvaret av landet sitt. I Noreg er allmenn verneplikt slått fast i Grunnlova § 109, og nærare reglar om innhaldet i verneplikta finst i vernepliktslova av 1953. Verneplikta byrjar det året ein fyller 19 år, og varer ut det året ein fyller 44 år. Berre menn har verneplikt i Noreg. I krig eller når krig trugar, kan ein setje opp ei krigsforsterking som omfattar tenestedyktige menn opp til det året dei fyller 55 år.
Alle vernepliktige er forplikta til å overta den tenestestillinga i Forsvaret som dei får ordre om, og utføre den tenesta som dei blir pålagde. Dei er også forplikta til å ta imot høgare grad og å gå gjennom nødvendig utdanning. Kvinneleg personell som gjer frivillig teneste, har mobiliserings- og tenesteplikt etter nærare reglar som er gitte av Kongen (med samtykkje frå Stortinget). Sjå også utskriving og sivil tenesteplikt.
Redigert og omsett frå Caplex, digital utgåve 2000–2006
|
Foto: Jan Egil Kvam, flickr.com