VIL DU SKRIVE FOR ALLKUNNE?Allkunne treng forfattarar som kan skrive om alle emne. Artiklane i Allkunne er signerte, og vert honorerte etter vanlege leksikonsatsar. Det er utarbeidd eiga skriverettleiing, og alle tekstar vert vurderte av ein redaksjon før publisering. Så langt har vi rundt 90 forfattarar, men vi vil gjerne ha fleire! Kontakt dagleg leiar for meir informasjon, allkunne@allkunne.no.  | Aslaug Nesje BjørloAslaug Nesje Bjørlo, direktør ved Nordfjord Folkemuseum, med breitt engasjement for kulturliv og samfunnsliv. Bjørlo er fødd 14. januar 1951 og bur på Sandane i Gloppen. Ho er utdanna bibliotekar og har i tillegg mellomfag i kunsthistorie. Tidlegare har ho vore bibliotekar, biblioteksjef og kultursjef. Sidan 1994 har ho vore direktør ved Nordfjord Folkemuseum. I 2008 vart det bestemt at museet skulle gå saman med dei andre offentlege musea i fylket i den felles stiftinga Musea i Sogn og Fjordane.
Utanom arbeidet sitt ved museet har Bjørlo vist eit vidt samfunnsengasjement. Ho har hatt ei rekkje styreverv, mellom anna i Gloppen næringshage, Sparebanken Sogn og Fjordane, Norges museumsforbund, Norsk kulturforum, bibliotekorganisasjonar og fagorganisasjonar. Ho er òg leiar i redaksjonsnemnda for Jul i Nordfjord.
Peikarar
Heimesida til Nordfjord Folkemuseum
SKRIV UT    |