VIL DU SKRIVE FOR ALLKUNNE?Allkunne treng forfattarar som kan skrive om alle emne. Artiklane i Allkunne er signerte, og vert honorerte etter vanlege leksikonsatsar. Det er utarbeidd eiga skriverettleiing, og alle tekstar vert vurderte av ein redaksjon før publisering. Så langt har vi rundt 90 forfattarar, men vi vil gjerne ha fleire! Kontakt dagleg leiar for meir informasjon, allkunne@allkunne.no.  | Sigurd EinbuSigurd Einbu, astronom. Han var både ein framifrå vitskapsmann og ein dyktig populærvitskapleg formidlar, i begge målformer. Einbu blei fødd på Lesjaskog 5. november 1866 og døydde 10. mai 1946. I 1926 endra han etternamnet frå Enebo. Etter lærareksamen på Hamar i 1886 arbeidde Einbu som lærar i Øyer, Vågå og på Dombås fram til 1911. Frå 1909 hadde han statsstipend for å drive astronomiske undersøkingar, og han oppdaga fjorten nye variable stjerner, blant anna ei nova i stjernebiletet Tvillingane.
Han var ein omtykt skribent i mange tidsskrift og ein framifrå foredragshaldar i folkeakademi, ungdomslag og radio. Han gav ut respekterte bøker om astronomi på begge målformer.
Einbu sat i Dombås kommunestyre 1911–19 og var mykje med i Austmannalaget. Han var æresmedlem i mange utanlandske vitskapsselskap, frå 1930 også i Det Kgl. Norske Videnskabers Selskab.
Kjelder
Oddbjørn Engvold: ”Sigurd Einbu”, Norsk biografisk leksikon, bd. 2. Oslo 2000
Ottar Grepstad: Viljen til språk. Ei nynorsk kulturhistorie. Oslo 2006
SKRIV UT    |