VIL DU SKRIVE FOR ALLKUNNE?Allkunne treng forfattarar som kan skrive om alle emne. Artiklane i Allkunne er signerte, og vert honorerte etter vanlege leksikonsatsar. Det er utarbeidd eiga skriverettleiing, og alle tekstar vert vurderte av ein redaksjon før publisering. Så langt har vi rundt 90 forfattarar, men vi vil gjerne ha fleire! Kontakt dagleg leiar for meir informasjon, allkunne@allkunne.no.  | Aage EngesæterAage Engesæter, historikar og museumsdirektør i Sogndal. Han har hatt ei sentral rolle i historieforsking og formidling ved Sogn og Fjordane distriktshøgskule og Sogn Folkemuseum sidan 1970-åra. Engesæter er fødd 19.1.1951 i Sogndal. Han har utdanning som cand. philol. frå Universitetet i Bergen 1974 med historie hovudfag. I 1977 blei han tilsett som vitskapleg assistent ved den då relativt nyetablerte Sogn og Fjordane distriktshøgskole. Her avanserte han til amanuensis i historie i 1980 og rektor 1989-94. Sidan 1995 har han vore direktør ved De Heibergske Samlinger – Sogn Folkemuseum.
Engesæther har skrive fleire bøker og ei rekkje lokalhistoriske skrifter og artiklar. Saman med Johs. B. Thue skreiv han institusjonssoga Sogn og Fjordane fylkeskommune gjennom 150 år (1988). Engesæter har fokusert særleg på økonomiske og sosiale utviklingstrekk på 1800-talet. I Rift om brødet? (1985) stiller han spørsmål ved teorien om at den tidlege utvandringa til Amerika frå Sogn skuldast overbefolking.
Peikarar
Aage Engesæter i Bibsys
SKRIV UT    |