VIL DU SKRIVE FOR ALLKUNNE?Allkunne treng forfattarar som kan skrive om alle emne. Artiklane i Allkunne er signerte, og vert honorerte etter vanlege leksikonsatsar. Det er utarbeidd eiga skriverettleiing, og alle tekstar vert vurderte av ein redaksjon før publisering. Så langt har vi rundt 90 forfattarar, men vi vil gjerne ha fleire! Kontakt dagleg leiar for meir informasjon, allkunne@allkunne.no.  | Vegard SlettenVegard Sletten, ungdomslagsmann, redaktør og forfattar. Han skreiv på nynorsk i Verdens Gang fleire tiår før det blei ei politisk sak å få meir nynorsk i rikspressa. Sletten var fødd i Oslo 8. mai 1907 og døydde 17. desember 1984. Han studerte filologi i Oslo og Paris før han var journalist i Stavanger Aftenblad 1929–41. Under den tyske okkupasjonen blei han nekta å reise frå Stavanger, og han var med i den illegale pressa i byen.
I 1945 blei han journalist i Verdens Gang, der han var redaktør 1967–77. Her skreiv han signerte artiklar – og sin eigen avskilsleiar – på nynorsk. Parallelt med arbeidet i Verdens Gang redigerte han Norsk Tidend i tretti år, i perioden 1946–75.
Sletten var formann i Noregs Ungdomslag 1947–55, formann i Norsk Journalistlag 1946–49 og 1956–62, og i Norsk Presseforbund 1962–71.
Sletten blei riddar av 1. klasse av St. Olavs orden i 1971.
Kjelder
Ottar Grepstad: Viljen til språk. Ei nynorsk kulturhistorie. Oslo 2006
SKRIV UT    |