Mure (latin Potentilla), slekt med over 300 artar, hovudsakleg fleirårige urter i rosefamilien. Dei har kopla eller finna blad og oftast regelmessige 5-talsblomstrar. Fruktene er små nøtter. I Noreg finst det 19 viltveksande artar, og fleire av dei er berre funne på avfallsplassar. Særleg kjend er tepperot eller blodrot, P. erecta, med trekopla blad og gul 4-talblomster. Arten har vore brukt i folkemedisinen.

 

Andre vanlege artar er gåsemure, P. anserina, norsk mure, P. norvegica, sølvmure, P. argentea, og flekkmure, P. crantzii. Til slekta høyrer også ei rekkje prydplanter.

Først publisert: 14.02.2013
Sist oppdatert: 14.02.2013