Divisjon, ei operativ eining i dei fleste større armear, med to til fire brigadar samt støtte- og forsyningsavdelingar. Ein divisjon kan ha frå 7000 til 20 000 soldatar, avhengig av oppdrag og type divisjon, og kan føre sjølvstendig strid over eit lengre tidsrom. I dag finst infanteridivisjonar, mekaniserte divisjonar, panserdivisjonar, luftlande- og luftmobildivisjonar, og marineinfanteridivisjonar. Tidlegare fanst òg artilleridivisjonar, bergdivisjonar og kavaleridivisjonar. Fleire mindre armear går no vekk frå løysinga med divisjon som ein fast organisert avdelingstype.