Cathrine

Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er variantane Katrine, Kathrine og Cathrine slått saman, og dei er presenterte med ei felles kurve for 1800-talet. På 1800-t gjekk det gradvis nedover med Katrine (inklusive variantar), og nedgangen heldt fram utover på 1900-talet til oppsvinget byrja omkring 1960. Da fekk dei tre variantane ei bratt stigning til ein topp i 1975–1979 (for Kathrine) og i 1985–1989 (for Katrine og Cathrine). Desse tre namneformene har tre stavingar og endar på -e, og ein liknande kurveprofil med tidleg topp på 1800-talet og ny topp mot slutten av 1900-talet kan også påvisast i nokre andre namn med tre stavingar og ending på -e, til dømes Helene og Malene.