Nina er eit kvinnenamn som truleg har russisk bakgrunn, som kortform av Antonina eller som kjæleform av Anna.

Namnet har fleire variantar: Nina, Nine, Ninna.

Namnedag er 4. april. Nancy og Nanna har også namnedag denne dagen.

Personar med namnet Nina

Fyrste namneberar

Den fyrste som vart registrert med namnet, kan ha vore Nina Karlsen fødd 1816 i Søndre Land (Oppland), busett i Kristiania i 1900. Ho var døypt Nicoline, og det er usikkert når Nina vart tatt i bruk på henne.

Kulturell bruk

  • Nina i «Måken» (1895) av Anton Tsjekhov
  • Nina Skåtøy i «Gymnaslærer Pedersens beretning om den store politiske vekkelsen som har hjemsøkt vårt land» (1982) av Dag Solstad, filmatisert 2006.
  • Songen «Svantes lykkelige dag» av Benny Andersen. I denne songen skriv han bl.a.: «Nina er gået i bad, jeg spiser ostemad».

Kjende personar med namnet Nina

Eit utval personar med namnet Nina, og som er omtalt i Store norske leksikon:

Namnestatistikk

I 2022 var det 18 234 kvinner i Noreg som hadde Nina som det einaste førenamnet eller som det fyrste av fleire, og Nina var blant dei 20 mest brukte namnet blant norske kvinner. I 2022 var det 22 jenter som fekk namnet Nina.

Utvikling i bruk av namnet

Frå 1930 til 1990 var tostava namn på -e gjennomgåande meir populære enn dei tostava på -a, til dømes Hanne, Hege, Hilde, Lene, Lise, Marte, Mette, Rikke, Silje, Tove, Trude, Vilde og Wencke. Men dette gjeld ikkje det russiske Nina med topp 1965–1969. Andre unntak på -a er Eva, Laila, Linda, Mona, Pia – og dei russiske Aina, Anja, Sonja, Tanja og Vera. Nina inngår altså i den siste gruppa.

Utvikling i bruk av namnet Nina frå 1880
Utvikling i bruk av namnet Nina frå 1880
Av /Store norske leksikon.
Lisens: CC BY SA 4.0

Geografisk variasjon på 1800-talet

Geografisk variasjon i bruk av namnet Nina på 1800-talet.

Nina var mest brukt i Hedmark.

Geografisk variasjon i bruk av namnet Nina på 1800-talet.
Av /Store norske leksikon.
Lisens: CC BY SA 4.0

Nina var mest brukt i Hedmark.

Historisk bruk av namnet Nina
Historisk bruk av namnet Nina
Av /Store norske leksikon.
Lisens: CC BY SA 4.0

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg