Faktaboks

Jakob Ivarsson Angermo

Jakob Ivarsso Angermoen

Fødd
1831, Angermoen i Drevja (no Vefsn), Nordland
Død
1900

Jakob Ivarsson Angermo var gardbrukar og spelemann. Som spelemann var han kjend for å ha eit særleg stort slåtterepertoar.

Bakgrunn

Jakob Ivarsson Angermo, i daglegtale Jakob Ivarsso Angermoen, var fødd på Angermoen i Drevja. Han byrja spelemannskarrieren tidleg og skal ha spela i bryllaup allereie som 14-åring. Som spelemann verka han over eit stort geografisk område, frå Salten i nord til Bindal i sør, og han var visstnok òg i Sverige på spelemannsferd.

Spelemann

Angermo hadde eit særs stort slåtterepertoar. Spesialiteten var polsdansar, og han kunne visstnok over 200 av dei. I motsetnad til den andre store spelemannen i distriktet i samtida, Ole Jakobsen (Kjøl-Ola), kunne ikkje Angermo notar og lærte seg alle slåttane etter gehør. Spelet hans var sagt å vere kraftig og reint, og bogeføringa var sagt å vere ledig.

Søstersonen hans, Ivar Rognryggmo, var òg ein kjend spelemann i Drevja og var Jakob sin faste akkompagnatør frå barnsbein av. Gjennom Rognryggmo, som døydde i 1936, vart mykje av repertoaret til Angermo tradert vidare og nedteikna, mellom anna av komponisten David Monrad-Johansen.

Les meir i Store norske leksikon

Litteratur

  • Gunnar Holand: Drevja. Folk og folkeliv, gardar og grannelag. Mosjøen 1948
  • Ove Larsen: «Folkemusikk II, 2009. 'De gamle Vefsn-spellemenn' – noen kommentarer», Far etter fedrane. Årbok for Vefsn, Grane og Hattfjelldal. Mosjøen 2009
  • Rolf Myklebust: Femti år med folkemusikk. Oslo 1982
  • Edvind Tverå: «Folkemusikk I, 1946. De gamle Vefsn-spellemenn», Far etter fedrane. Årbok for Vefsn, Grane og Hattfjelldal. Mosjøen 2009
  • Arnt Bakke: «Folkemusikken i Vefsn», Vefsn bygdebok – særbind II, side 381–385. Mosjøen 1973.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg