Hopp til innhold
X
Innhald

Adolph Nitter

Adolph Nitter (1832-1901) vart fødd i Gaular og budde i Dale frå 1851. Han var handelsbetjent hos Christian Lange i Førde frå 1846 til 1851, då han vart tilsett som handelsfullmektig hjå onkelen Wilken Nitter i Dale. Han var og i korte periodar konstituert lensmann. I 1873 vart han tilsett som kasserar i Ytre Holmedal Sparebank - sjå Fjaler sparebank.

Han var kommunestyremedlem i Ytre Holmedal 1857-1899. I åra 1854 til 1858 skreiv han dagbok, der han kvar dag fortalde om smått og stort av det som skjedde i Dale.

I 2007 gav Fjaler Sogelag ut desse nedteikningane i bokform, «Adolph Nitters dagbok».

Dette huset på Yksnebjør bygde Adolph Nitter på 1860-talet. Foto: Ottar Starheim, NRK.

Dette huset på Yksnebjør bygde Adolph Nitter på 1860-talet. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 09.04.2013