Familien av Anders Askevold. © Blomqvist Kunsthandel.

Kunstmålar Anders Monsen Askevold (1834-1900), son av lærar og stortingsmann Mons Andersson Askevold.

Anders Monsen Askevold. © Fylkesarkivet.

Anders Askevold kom 13 år gamal i teikne- og målarlære hos Hans Leganger Reuch i Bergen. Seinare studerte han m.a. under professor Hans F. Gude i Düsseldorf og utdanna seg seinare i Paris som «dyremålar».

Kjend for romantiske motiv

Askevold vert rekna som ein av dei fremste norske romantiske målarane frå «Düsseldorfar-skulen». Han er mest kjend for romantiske motiv med kyr, og Vestlandsfjordar med ein dampbåt og jekter på fjorden.

Kyrkjer og altartavler

Askevold har m.a. vore arkitekt for Askvoll kyrkje, måla altartavla i Askvoll (1859), Solund (1860), Brekke kyrkje (1862), Dale kyrkje i Sunnfjord (1864), Kaupanger stavkyrkje(1865), Frøya kyrkje i Kalvåg (1865).

Bok om Askevold

I 2013 gav Selja forlag ut boka «Anders Askevold – vestlandsmålaren», forfattar Thor Warberg.

Eitt av mange måleri av Anders Askevold med motiv frå Sogn. Passasjerene ros ut til dampbåten (1895). © Blomqvist Kunsthandel.