Hopp til innhold
X
Innhald

Anders Bødal

Anders Bødal (1924-2012) frå Lodalen, busett i Kaupanger. Lærar og rektor.

Anders Bødal (1924-2012) frå Lodalen, busett i Kaupanger. Lærar og rektor.

Han overlevde som 12-åring den store raskatastrofen i Lodalen i 1936. Han vart då ført fleire hundre meter av den enorme flodbylgja som oppstod. Alle dei andre i huset, begge foreldra, fire sysken og ei svigerinne, omkom. Les meir i artikkelen Lodalsulukkene 1905 og 1936.

Bødal flytta etter ulukka til ei eldre søster på Voss, der han voks opp. Sidan har han halde ei rekkje foredrag om hendinga i 1936. Anders Bødal utdanna seg til lærar, og var tilsett som lærar ved Kaupanger skule 1955-1991, det meste av tida som rektor.

Han arbeidde 47 år som klokkar i Kaupanger stavkyrkje, og la ned eit stort arbeid for å få kyrkja restaurert.

Tildelt Kongens fortenestemedalje i gull i 2007.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 21.03.2012