Hopp til innhold
X
Innhald

Anders Johannesson Bøyum

Anders Johannesson Bøyum (1890–1962) frå Fjærland. Bonde, banksjef og Venstre-politikar. Overtok farsgarden i 1918. Mellom ei mengd tillitsverv var han styreleiar i Fjærland Privatbank, Vestlandsbanken og Sogn Meierilag.

Han var ein varm talsmann for å byggje jernbane mellom Sogn og Sunnfjord gjennom Fjærland med tunnel under Jostedalsbreen – om lag der Fjærlandstunnelen går i dag.

Han var ordførar i Balestrand 1936, 1938–1941, 1945. Vararepresentant til Stortinget 1931–1945 og fast representant 1945–1961.

Far til Signe Bøyum Fjærtoft.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 17.08.2011