Hopp til innhold
X
Innhald

Anders M. Sølvberg

Anders M. Sølvberg (1898–1965) frå Fjelli. Bonde, politikar og organisasjonsmann. Var frå 1920 bureisar og rydda garden Fjellvang. Han var aktiv i ungdomslag, fråhaldslag og politikk. Han fekk skipa innkjøpslag for bøndene og Fjelli Samyrkelag. I 1935 skipa Sølvberg Fjelli Bonde og Småbrukarlag som det andre laget av dette slaget i fylket, og han gjorde opptaket til og vart første formann då Sogn og Fjordane Bonde og Småbrukarlag vart skipa i 1946.

Etter mykje strid kring fordeling av styreverva vart Sølvberg styremedlem i Sogn og Fjordane Landbrukselskap i 1947. Anders M. Sølvberg og Kornelius Sølvberg starta i 1949 eit eige medlemsblad for småbrukarane i Sogn og Fjordane og Hordaland; ”Småbrukaren”, med Kornelius Sølvberg som redaktør. Bladet gjekk inn i 1951.

Anders M. Sølvberg vart tildelt gullmedalje og diplom frå Sogn og Fjordane Landbrukselskap.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 08.03.2011