Hopp til innhold
X
Innhald

Anders Olsson Lærdalsøyri

Anders Olsson Lærdalsøyri (1846-1921) frå Lærdalsøyri. Han vart kalla «Stormålaren».

Anders Olsson Lærdalsøyri (1846-1921) frå Lærdalsøyri. Han vart kalla «Stormålaren».

Målarstilen hans var kjenneteikna av ei djerv fargeoppfatning med naiv koloritt og teikning i landskapsbileta, og raffinert bruk av grått, kvitt, svart og brunt i portretta. Han dekorerte frå 1868 til 1915 kring 30 kyrkjer i Sogn og Fjordane og Hordaland. Lærdalsøyri måla fleire altartavler, m.a. i Tønjum kyrkje i Lærdal og Øn kyrkje i Hyllestad. Han dekorerte også Lindstrøm Hotell og Husum hotell, begge i Lærdal.

Anders Olsson Lærdalsøyri stilte ut rosemålingsarbeid og fekk prisar på landsutstillinga i Bergen 1898 og verdsutstillinga i Paris 1900. Sonen Per Anderson Lysne lærde målarkunsten i samarbeidet med faren før han emigrerte til Amerika. Der kalla han seg «Per Lysne of Stoughton» og vart ein vidgjeten rosemålar i det norske miljøet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.12.2009