Andreas Gjertsen
Andreas Gjertsen (1872-1953) frå Loftet i Fjaler, busett på Salbu. Industrigrunnleggjar og politikar.
Gjertsen var ein av dei mest allsidige industribyggjarane og forretningsfolka i ytre Sogn kring 1900. Han dreiv sagbruk, høvleri, trelastforretning, tønnefabrikk, saftfabrikk, såpefabrikk, fargeri og ullvarefabrikk.
I 1909 bygde han det første kraftverket i Hyllestad ved Salbuelva, og i 1924 var han den første som kjøpte bil i bygda. Ordførar i Hyllestad 1929-1932.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 27.09.2010