Anne Bolette Holsen (1856–1913) frå Bergen, med foreldre frå Førde. Pedagog og kvinnesakskvinne. Etter guvernantetid hos oberst Meidell på Flesje ved Balestrand (sjå Kjende personar i Balestrand) vart ho i 1879 lærar i Oslo. Medlem av ei rad styre som stelte med skule- og bibliotekspørsmål. Skipa i 1900 første framhaldsskule for jenter i hovudstaden saman med Anna Rogstad og Gøthilde Næss, og gjorde ein banebrytande innsats for denne skuleforma på landsplan.

Anne Bolette Holsen var i mange år leiar i Kvinnestemmerettsforeningen, og var ei av dei første kvinnene som vart valt inn i kommunestyret etter at kvinnene fekk røysterett. Norske kvinner har reist minnestein på grava hennar i Oslo. (Søstera Kristine Holsen var forfattar, og henta mange tema frå fransk historie).

Sjå elles Flora kommune: Martha Tynæs.