Hopp til innhold
X
Innhald

Arne Johannessen

Arne Johannessen. Foto: Terje Bendiksby, Scanpix.

Arne Johannessen. Foto: Terje Bendiksby, Scanpix.

Arne Johannessen fødd 1960 i Øystese, busett i Hafslo. Politibetjent, lensmann, organisasjonsleiar og Arbeidarparti-politikar. Eksamen frå Politihøgskolen i 1982. Lensmannsbetjent i Luster til 1988, då han vart tillitsmann på heiltid som sekretær i lensmannsetatens Landslag til 1990, og leiar frå 1990 til 1997. Då Polititets Fellesforbund vart skipa i 1997 ved samanslåing av Lensmannsetatens Landslag og Norsk Politiforbund, vart Johannessen nestleiar fram til 1998.

Frå 1998 til ut 2000 var han lensmann i Sogndal, og frå 2000 til 2013 leiar i Politiets Fellesforbund. I 2014 gjekk han tilbake til stillinga som lensmann i Sogndal.

Arne Johannessen var leiar i hovudutvalet for kultur og fritid i Luster frå 1985 til 1993, medlem av kommunestyret 1989-1993, leiar i Hafslo Arbeidarlag 1992-1996 og leiar i Luster Arbeidarparti frå 2014. Han har òg hatt ei rad tillitsverv innan lag og organisasjonar, m.a. i styret for Heggmyrane Skisenter i Hafslo.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 16.06.2015