B

Abraham Berge, politikar. Statsminister i Noreg og første formann i Frisinna Venstre.

Aleksandr Borodin, 1833–87, var russisk komponist og kjemiprofessor.

Alessio Baldovinetti (også Alesso), 1425–99, var italiensk målar.

Alf Baartvedt var prest og radikal politikar, som tidleg laga lærebøker på landsmål.

Ananias Johannes Brune, lærar og læstadiansk forkynnar. Saman med Karl E. Akre stod han i 1875 for det nordlegaste bladforsøket på landsmål.

Andreas Bjørkum, dialektforskar. Han forska i indresognsmål og dølemål og skreiv om språket til Tarjei Vesaas og Olav H. Hauge.

Andreas Hesselberg Bjercke, 1883–1967, var arkitekt.

André-Charles Boulle [bol], 1642–1732, var fransk møbelsnikkar og fast leverandør av praktmøblar til Ludvig XIV.

Anne Bjørkedal, forfattar og healar.

Antoine August Bournonville, 1805–79, var fransk-dansk dansar og koreograf.

Antoine Louis Barye [bari], 1796–1875, var fransk bilethoggar.

Anton Bruckner, 1824–96, var austerriksk komponist og organist.

Arne Bergsgård, historikar og skulemann. Han var med og gav nynorsken ei moderne rettskriving frå 1938.

Arne Bjørndal, forskar, folkemusikksamlar, folkemusikar og ekspert på talar og songar til bryllaup.

Arno Berg, 1890–1974, var arkitekt.

Arnt Bakke, høgskulelektor og folkemusikksamlar. Han oppretta Nordnorsk Folkemusikksamling i 1949 og var den første styraren av samlinga.

Arrigo Boito, 1842–1918, var italiensk librettist og komponist.

Arthur Bjarne Berg, mangeårig redaktør i den kristne avisa Dagen og ein av dei fremste meiningsberarane blant kristenfolket gjennom etterkrigstida.

Arve Brunvoll er prest, professor og salmediktar. Han var med i redaksjonen for Norsk Salmebok (1985), og han har omsett fleire tekstar som har vorte svært populære.

Aslaug Nesje Bjørlo, direktør ved Nordfjord Folkemuseum, med breitt engasjement for kulturliv og samfunnsliv.

August Jacob Bosse, typograf og målmann, fagforeiningsleiar og omsetjar. Han var typograf i Den 17de Mai og omsette Det kommunistiske manifestet til nynorsk.

Bernhardine Catharina Brun, guvernante. Ho blei den første kvinna som publiserte ei heil diktsamling på dialektfarga landsmål.

Jens Bertrand Jensen, seinare Bertrand Vinner, bokhandlar, forleggjar og gardbrukar. I 1890-åra var han den viktigaste forleggjaren for forfattarar som skreiv landsmål.

Bjarte Birkeland, professor i nordisk, kjempa for opplysningstanken og utbreiing av nynorsk språk og litteratur.

Bjørn Bue, misjonær og biskop med sterkt engasjement for menneskeverd og kyrkjevekst.

Brita Josefsdotter Bjørgum var mellom dei første kvinnesakskvinnene som skreiv på nynorsk.

Brita Bratland, bonde og kvedar, blei med sitt rike repertoar og sin tekstretta syngjestil ei viktig inspirasjonskjelde for yngre folkesongarar i 1970-åra.

Brynjulf Bergslien, den fremste bilethoggaren i landet i si tid, gravør og siselør. Han var bror til kunstmålaren Knud Bergslien.

Carl Barks, 1901–2000, var amerikansk teiknar.

Carl Emil Buch, 1892–1968, var arkitekt.

Constantin Brancuşi [-kusji], 1876–1957, var rumensk-fransk bilethoggar.

David Olsson Bakke, bonde, målmann, avisredaktør, stortingsmann og lokalhistorikar. Gjennom fleire tiår var han ein av dei fremste radikale bygdepolitikarane på Vestlandet.

Donato Bramante, ca. 1444–1514, var italiensk arkitekt, målar, poet og musikar.

Edvard Beyer, 1920–2003, var litteraturhistorikar og professor i nordisk litteratur ved Universitetet i Oslo frå 1958.

Einar Nyborg Breidsvoll, redaktør, «språkrettar» og ordlistemann. Han la grunnlaget for den mest selde ordlista i Noreg

Eirik Bruhjell gjorde ei dannings- og klassereise frå husmannsson til prost. Før han gjekk inn i prestetenesta, var han folkehøgskulelærar og aktiv målmann.

Elias Jakob Berge, teolog og generalsekretær i Kirkens Nødhjelp. Berge var notbasen frå Sunnmøre som vart prest og ein viktig pioner i norsk nødhjelpsarbeid.

Else Karin Bukkøy, barnevernssjef og forfattar som skriv noveller, romanar og ungdomsbøker.

Elvira Bach, f. 1951, er tysk målar.

Embrik Beitohaugen, spelemann frå Valdres, kjend for rikt og reint tradisjonsspel på hardingfele.

Émile Antoine Bourdelle [bordel], 1861–1929, var fransk bilethoggar.

Endre Otto Brunstad, allsidig språkforskar ved Universitetet i Bergen og tidlegare leiar av Noregs Mållag.

Ernst Barlach, 1870–1938, var tysk grafikar, diktar og bilethoggar.

Étienne-Louis Boullée, 1728–99, var mest verksam som lærar.

Federico Barocci [baråtsji] (eigentleg Federico Fiori), ca. 1535–1612, var italiensk målar.

Finn Bryn, 1890–1975, var arkitekt.

Fra Bartolommeo (eigentleg Baccio della Porta), 1472–1517, var italiensk dominikanarmunk og målar.

Francesco Borromini, 1599–1667, var italiensk arkitekt og sentral i den romerske barokken.

Francis Bacon [beikən], 1909–92, var irsk målar.

Frédéric Auguste Bartholdi, 1834–1904, var fransk bilethoggar.

Frederik Moltke Bugge var ein toppfigur i norsk skule- og kulturliv i 1830- og 40‑åra. Han var ein kraftig talsmann for dei klassiske språka i den store skulekommisjonen (1839-42), som var sett til å revidere skule- og undervisningsopplegget, og han hadde på offentleg oppdrag vore i Tyskland og Frankrike for å studere skulestellet der.

Gabriel Germain Boffrand [båffrã], 1667–1754, var den fremste arkitekten innanfor den franske rokokkoen.

Geir Botnen, pianist, er vorten møtt med stor åtgaum for tilnærminga si til komposisjonar av Edvard Grieg og Geirr Tveitt.

Giacomo Balla, 1871–1958, var italiensk målar og ein av dei leiande i den italienske futurismen.

Giovanni Lorenzo Bernini, 1598–1680, var italiensk arkitekt, målar og bilethoggar.

Gudolf Blakstad, 1893–1985, var arkitekt.

Hallvard Arneson Ellestad Bergh, lærar, barnebokforfattar og folkeminnesamlar. Han skreiv både på dialekt, landsmål og riksmål.

Hanna Lovise Relling Berg, journalist og redaktør. Ho har sett sitt preg på Sunnmørsposten gjennom fleire tiår, og i 2007 blei ho den første kvinnelege sjefsredaktøren i avisa.

Hans Baldung (kalla Grien), ca. 1485–1545, var tysk målar, teiknar, grafikar og glasmålar.

Harald Beyer, 1891–1960, var professor i litteraturhistorie ved Universitetet i Bergen i åra 1951–60.

Harald Bøe, lærar, rektor og næringslivsjournalist i NRK Rogaland og NRK Dagsnytt, med ei markant nynorskrøyst i nesten 30 år.

Helene Bøksle, norsk songar som kombinerer tradisjonelle folketonar med popmusikk.

Helga Botn, sopran, har utmerka seg innanfor operasjangeren med ei rekkje lyriske roller.

Hendrikus Petrus Berlage, 1856–1934, var nederlandsk arkitekt og møbelteiknar.

Henrik Bull, 1864–1953, var arkitekt.

Herborg Bryn, journalist, programleiar og kommunikasjonsarbeidar. Ho var som kanalsjef for NRK P2 sentral i utviklinga av radiokanalen sin profil.

Herman Vilhelm Bissen, 1798–1868, var dansk bilethoggar.

Hilde Bjørkum, folkemusikar, folkedansar og kulturarbeidar som har vore sentral i arbeidet med å utvikle folkemusikkfestivalen i Førde til ein knutepunktfestival med internasjonal profil.

Ingjald Bolstad, folkehøgskulemann, skribent og talar.

Peter Ingvar Bøhn, folkehøgskulemann, prest og diktar. Han gav ut den første songboka på landsmål.

Isak Nilsson Botnen, legendarisk felebyggjar frå Hardanger.

Jacob Burckhardt, 1818–97, var sveitsisk kunst- og kulturhistorikar.

Jan Brockmann, f. 1935 i Berlin, er kunstteoretikar.

Jan-Petter Blom, folkemusikkforskar, felespelar og professor i sosialantropologi, pedagog og pådrivar innanfor norsk folkemusikk gjennom mange tiår.

Jean-René Bazaine [bazεn], 1904–75, var fransk nonfigurativ målar.

Johanna Bugge Berge, kulturarbeidar og kunstnar som henta motiva sine frå natur, folkeliv og folkekunst i Telemark.

Johannes Andreas Barstad var prest i Volda og på Voss. Han skreiv salmar, og han grunnla og redigerte i over førti år det kristelege målbladet Stille Stunder, som framleis kjem ut.

Johannes Catharinus Bull, ingeniør og industrileiar, som helst skreiv engelsk eller landsmål, og som var ein viktig økonomisk hjelpar for mange nynorske aviser.

Joseph Beuys [båjs], 1921–86, var tysk bilethoggar, objektkunstnar, performancekunstnar og kunstteoretikar.

Jørgen Haslef Berner, 1873–1955, var arkitekt og møbelteiknar.

Kari Kristina Lenvik Frydenlund Bakke, gründer, petitskribent og lyrikar, som skreiv på sognemål i delar av forfattarskapen sin.

Kari Bjørke, jurist og målkvinne. Ho vart i 1993 den første daglege leiaren i Landssamanslutninga av nynorskkommunar (LNK).

Karl Even Bjørset, lærar og dialektforskar. Han studerte dialektar i Gudbrandsdalen og i Numedal i åra rundt 1900.

Kjell Bondevik, folkeminnegranskar, lektor og sentral politikar i KrF gjennom etterkrigstida.

Kjetil Augundson Brottveit, redaktør og forfattar som i 2004 fekk Sørlandets litteraturpris for romanen Nattradioen.

Kjetil Bang-Hansen, teatersjef, skodespelar og instruktør. Han har vore ein av dei mest sentrale teatersjefar og regissørar i Noreg sidan 1960-talet.

Knud Bergslien, framståande kunstmålar og lærar med eigen målarskule i Kristiania. Bror til Brynjulf Bergslien.

Knut Berg, 1925–2007, var kunsthistorikar og son av Arno Berg.

Kristin Bakken, forskingsdirektør. I åra 2002–2008 etablerte ho som prosjektdirektør Norsk Ordbok 2014 som eit prosjekt for å fullføre verket til grunnlovsjubileet i 2014.

Larry Bell, fødd 1939, er amerikansk bilethoggar.

Lars Backer, 1892–1930, var arkitekt.

Lars Kornelius Edvard Berg var lærar og forfattar. Han var motstandsmann og krigsfange under andre verdskrigen. Berg tok initiativ til skipinga av Hålogaland Teater.

Marcel Breuer, 1902–81, var ungarsk-amerikansk arkitekt og formgivar.

Martin Birkeland, lærar, norskdomsforkjempar og målmann, var den viktigaste drivkrafta i etableringa av Fana folkehøgskule, og han var styrar der gjennom meir enn tretti år.

Mogens Bøggild, 1901–87, var dansk bilethoggar.

Narve Bjørgo, historikar og forskar. Han har gitt viktige bidrag til norsk mellomalderhistorie og var ein sentral person i oppbygginga av Universitetet i Tromsø i 1970-åra.

Nils Beitohaugen var ein mykje brukt og vidgjeten spelemann frå Valdres.

Odd Brochmann, 1909–92, var arkitekt, teiknar og forfattar.

Ola Ireneus Breivega, norskfilolog og målmann som har engasjert seg sterkt i språkpolitikk og normeringsordskifte. I vaksen alder skifta han etternamn frå Bredeveien til Breivega.

Ola E. Bø, dramaturg. Som strateg og idéprodusent har han gitt mange avgjerande impulsar til ei rekkje måltiltak.

Ola Eiriksson Bø, lærar, målmann, pioner innanfor den kristelege folkehøgskulen, avis- og museumsgrunnleggjar. I 1899 skipa han Valdres folkehøgskule.

Olav Toreson Beito, professor og nynorsk språkgranskar. Han studerte dialektar og stadnamn og gav i 1970 ut den største nynorske grammatikken etter Ivar Aasen.

Ole Gregor Liljedahl Barman, dramatikar, sjef for Det Norske Teatret i to sesongar i 1950-åra, med permisjon frå stillinga som lensmann i Bærum.

Ottar Befring, offiser og politikar for Arbeidarpartiet, har vore fylkesmann i Møre og Romsdal.

Otto Albert Blehr, politikar. Statsminister og statsråd i fleire Venstre-regjeringar. Han hevda at folkesuvereniteten måtte stå over både kongen og grunnlova.

Ove Bang, 1895–1942, var arkitekt.

Per Bjarne Boym, f. 1946, er kunsthistorikar og konservator.

Per Borten, politikar. Han var formann i Bondepartiet/Senterpartiet 1955–1967 og statsminister 1965–1971.

Per Sæmund Bjørkum, fiolinist, spelemann og pedagog, med blikket retta mot både folkemusikktradisjonen frå Vågå og det store kunstmusikalske repertoaret.

Peter Behrens, 1868–1940, var tysk arkitekt og designar.

Peter Albert Benum, skulemann og botanikar, overlærar ved Tromsø lærarskule og styrar av den botaniske avdelinga ved Tromsø Museum gjennom mange år.

Ragnhild Bjørge, målkvinne og journalist. Ho var prosjektleiar for Aksjon nynorsk data 2000, som var med på å påverke Microsoft til å omsetje dei sentrale dataprogramma sine til nynorsk.

Rasmus Dorthin Breistein, filmregissør. Han var med i den første framsyninga på Det Norske Teatret, var pioner i norsk film og laga den første spelefilmen med nynorsk tale.

Reidar Olav Bolling, prest og kyrkjehistorikar. Han skreiv fleire verk om lokalhistorie og lokal kyrkjehistorie og gav ut fleire biografiar.

Rikard Berge, folkeminnesamlar og -granskar. Berge var ein produktiv og original granskar, og etterlét seg om lag 40 000 handskrivne A5-sider.

Rudolf Broby-Johansen, 1900–87, var dansk forfattar og kunstskribent.

Sir Charles Barry, 1795–1860, var britisk arkitekt.

Gunnbjørn Stein Balstad, lærar, forfattar og bladmann, utmerkte seg med fagforeiningsarbeid i Den Norske Forfatterforening.

Steinar Brauteset, radiomann og forfattar. Han laga over 50 program om norsk okkupasjonshistorie, var utanrikskorrespondent i Paris og leidde Landbrukshalvtimen i 20 år.

Svein Erik Brodal, skodespelar, instruktør, dramatikar og lyrikar. Han var teatersjef ved Det Norske Teatret i tolv år.

Sverre Einride By, lærar, skulestyrar, målmann og forfattar av barne- og ungdomslitteratur.

Synnøve Sæmundsdotter Bjørset, frilansmusikar med hardingfele, fele og bratsj som instrument, og med spesialisering innanfor den tradisjonelle musikken frå Sunnfjord, Sogn og Valdres.

Tore Brunborg, jazzsaksofonist, komponist og arrangør. Han har bak seg ei brei musikalsk verksemd, men er mest kjend for det lågmælte, meditative uttrykket.

Torgeir Drengsson Bjørnaraa, naturforteljar, journalist og lærar. Han var ein tidleg popularisator av naturvitskap og blei den fremste naturskildraren på landsmål.

Torleiv Hallvardsson Bjørgum, folkemusikar og kulturarbeidar frå Setesdal, som med markerte rørsler i armar og bein heldt takten heilt til han døydde på scenen.

Tove Bull, språkforskar. Ho har i mange tiår arbeidd med den tidlege lese- og skriveopplæringa.

Trude Brosvik, sentral og markant politikar for KrF i Sogn og Fjordane.

Trygve Alvgeir Bjerkrheim, teolog og forfattar, skreiv tusenvis av dikt og songar, mellom dei «Det er makt i de foldede hender» og «Han tek ikkje glansen av livet».

Turid Bakke Braut, allsidig pianist og pedagog, har gjort ein særleg innsats for songar med nynorsk tekst.

Umberto Boccioni [båtsjåni], 1882–1916, var italiensk kunstteoretikar, målar og bilethoggar.

Vladimir Baranov-Rossiné, 1888–1949, var rumensk-fransk målar og bilethoggar.

Øystein Bjørdal er prest og prestelærar og har arbeidd mykje med kyrkjemusikk og liturgiske spørsmål. Sidan 2002 har han vore domprost i Molde.