Faktaboks

Fredric Holen Bjørdal
Fødd
9. mars 1990, Ørsta, Møre og Romsdal
Fredric Holen Bjørdal.

Fredric Holen Bjørdal er tidlegare stortingsrepresentant for Arbeidarpartiet (Ap) frå Møre og Romsdal i 2013–2021.

Bakgrunn

Fredric Holen Bjørdal er fødd i Ørsta i Møre og Romsdal. Han studerte psykologi ved NTNU i 2010–2011 og er utdanna bachelor i planlegging og administrasjon ved Høgskulen i Volda. Han vart utdanna jurist (master i rettsvitskap) ved Universitetet i Oslo i 2018. Bjørdal har arbeidd som lærarvikar, som miljøarbeidar innanfor bu- og habiliteringstenesta, som miljøterapeut ved Sunnmørsheimen akuttinstitusjon og som tilsynsførar i barneverntenesta i Ørsta.

Politisk karriere

Han kom tidleg med i politisk arbeid og vart som 14-åring leiar for ungdomsrådet i Ørsta. Nokre år seinare vart han òg leiar for Ungdomspanelet / Ungdommens fylkesting i Møre og Romsdal. Han var styremedlem og seinare leiar i AUF i Møre og Romsdal og frå 2010 også medlem av sentralstyret i AUF. Holen Bjørdal har vore medlem av styret og arbeidsutvalet i Møre og Romsdal Arbeidarparti, og han har vore både medlem og gruppeleiar for Arbeidarpartiet i Ørsta kommunestyre.

Ved stortingsvalet i 2013 vart han vald som stortingsrepresentant nummer fem for Arbeidarpartiet frå Møre og Romsdal. I denne perioden var han medlem av arbeids- og sosialkomiteenStortinget. Han vart vald inn for ein ny periode på Stortinget ved stortingsvalet i 2017 og vart då medlem av finanskomiteen på Stortinget for perioden 2017–2021. Han stilte ikkje til attval ved stortingsvalet i 2021. Etter tida på Stortinget tok han til som advokatfullmektig i advokatfirmaet Øverbø Gjørtz i Ørsta.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg