Faktaboks

Tina Bru
Fødd
18. april 1986, Moss, Østfold
Tina Bru.
Stortinget.
Tina Bru
Av /Stavanger Aftenblad/NTB Scanpix.

Tina Bru er ein norsk politikar for Høgre, som er stortingsrepresentant frå Rogaland sidan 2013. Ho var olje- og energiminister i regjeringa Solberg 2020–2021. Frå 2020 er ho andre nestleiar i Høgre.

Bakgrunn

Tina Bru er fødd i Moss i Østfold. Ho har ein bachelorgrad i engelsk og religion ved Universitetet i Stavanger 2008, og ein bachelorgrad med fordjuping i endringsleiing frå BI i Stavanger 2010–2012.

Politisk karriere

Bru melde seg inn i Unge Høgre i 2005, var andre nestleiar og fylkessekretær for Rogaland Unge Høgre 2006–2007, deretter fylkesleiar 2008–2009 og medlem av sentralstyret i Unge Høgre i 2008–2010. Ho var medlem av styret i Rogaland Høgre 2011–2013. Ho var politisk rådgivar for Stavanger Høgre 2008–2010, for Rogaland Høgre 2011–2012 og for fylkesordføraren i Rogaland 2011–2013.

Tina Bru var medlem av Stavanger kommunestyre 2007–2011 og av Rogaland fylkesting 2011–2015. Hun var vararepresentant til Stortinget frå Rogaland 2009–2013 og er fast stortingsrepresentant sidan 2013. På Stortinget var ho medlem og nestleiar i energi- og miljøkomiteen fram til ho blei statsråd i 2020. I 2020 vart ho nestleiar i Høgre etter Bent Høie.

I januar 2020 blei Bru olje- og energiminister i regjeringa Solberg, etter at Framstegspartiet trekte seg frå regjeringssamarbeidet. Bru gjekk av som olje- og energiminister ved regjeringsskiftet hausten 2021. Frå 2021 er ho fyrste nestleiar i finanskomiteen.

Politisk ståstad

Bru er feminist og har utfordra den konservative delen av Høgres politikk, spesielt i familie- og likestillingspolitikken. Bru vil avskaffe både kontantstøtta og barnetrygda, og ho er for eggdonasjon. Då to av biskopane i den norske kyrkja meinte at Noreg måtte bremse oljeutvinninga, melde ho seg ut av kyrkja. Ho er for ein aktiv oljepolitikk.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg