Hopp til innhold
X
Innhald

Bertel Vonen

I Dale dreiv han også gjestgiveri og var postopnar. Han kjøpte garden Steia i 1866.

Bertel Johannesson Vonen (1799–1868) frå Vonen i Naustdal. Korpssmed og politikar. Han vart ein dugande smed og børsemakar som alt som 12-åring smidde sitt første gevær og bygde klokker. Den hendige Bertel Vonen vart oppdaga av oberst Holck då han stod eksisen på Dingemoen i Dale. Holck sende Bertel i lære i Oslo og på Kongsberg Våpenfabrikk. Der fekk han tildelt eit sølvkrus som teikn på at han var ein særdeles dugande elev. Etter tida på Austlandet flytta Bertel Vonen til Dale i Sunnfjord, der han dreiv eigen verkstad og var børsemakar for Dingemoen Eksersisplass.

I Dale dreiv han også gjestgiveri og var postopnar. Han kjøpte garden Steia i 1866.

I 1836 var han medskipar av Holmedals Sogns Bondevenforening, og han utvikla ein ny jernplog og andre gardsreiskapar på oppdrag for selskapet. Vonen var med i formannskapet i Ytre Holmedal frå kommuneskipinga i 1837 og sat ein kort periode som ordførar i 1847.

Han var far til Nikka Vonen som dreiv jenteskule i Dale, og farfar til Barthold Vonen.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 02.04.2013