Bjørn Buna
norrøn hovding kring år 800. I den islandske Landnåmabok er det nemnt ein rik og mektig herse som heitte Bjørn Buna. Han budde truleg i Måren eller på Kyrkjebø kring år 800, og stamma frå kongsætt i Agder.
Sonesonen hans budde inne i Høyangsfjorden og vart kalla Høyangs-Bjørn. Tre av sønene til Høyangs-Bjørn vart landnåmsmenn på Island. Ein kjend ættling til desse var Aud Djupaudga (djuptenkte), som vart gift med ein irsk konge i Dublin. Aud og hennar ætt samla seg makt og rikdom både på Orknøyane, Færøyane og Island.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.
Sist oppdatert: 12.12.2007