Hopp til innhold
X
Innhald

Eilert Adelsteen Normann

Eilert Adelsteen Normann (1848-1918) frå Vågøy i Nordland, busett m.a. i Berlin og Balestrand. Kunstmålar, og ein av dei fremste norske kunstnarane frå «düsseldorfar-skulen».

Studerte målarkunst i Düsseldorf 1869-1873. Frå 1877 stilte han ut motiv frå Sognefjorden. Fjordmotiva til Adelsteen Normann var atelierarbeid basert på skisser, og er m.a. prega av overdrivne stupbratte fjell - ein målestil som vi kjenner att frå ein annan «düsseldorfar», Anders Askevold.

Måleria til Adelsteen Normann er m.a. kjøpte av Nasjonalgalleriet, Nasjonalmuseet i Stockholm og av keiser Wilhelm II, og han hadde m.a. fleire utstillingar på Salonen i Paris.

I 1877 flytta han til Berlin, og fekk m.a. tillitsverv i kunstnarforeninga i byen. Han var medansvarleg for den skandaleprega utstillinga som Edvard Munch heldt i Berlin i 1892. Munch-utstillinga vart stengd etter få dagar. Bygde Villa Normann i Balestrand i 1891 - eit hus i såkalla drakestil frå ferdighusfabrikken til Jakob Digre i Trondheim (sjå Drakestilen som nasjonalsymbol).

Riddar av 1. klasse av St. Olavs Orden i 1887. Far til Emma Pastor Normann.

Adelsteen Normann måla m.a. skipet til Keisar Wilhelm II, Hohenzollern, i Esefjorden.

Adelsteen Normann måla m.a. skipet til Keisar Wilhelm II, Hohenzollern, i Esefjorden.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 26.07.2011