Hopp til innhold
X
Innhald

Eirik Bakke

Eirik Bakke. Foto: Tor Richardsen, Scanpix.

Eirik Bakke. Foto: Tor Richardsen, Scanpix.

Eirik Bakke fødd 1977 i Sogndal. Profesjonell fotballspelar.

Spelte på A-laget til Sogndal IL Fotball fram til 1999, då han gjekk til den engelske eliteklubben Leeds United for ein overgangssum på 45 millionar kroner. Bakke var Leeds-spelar til august 2006, med unnatak av sesongen 2005/2006, då han var på utlån til Aston Villa.

I 2006 vende han tilbake til norsk fotball og bergensklubben Brann, der han fekk kapteinsbindet i 2008. Der var han til hausten 2010, då han kom heim til Sogndal og teikna ein treårskontrakt med moderklubben. Men etter 2012-sesongen la Bakke opp som fotballspelar. Han gjekk då inn i jobb som talentspeidar for Sogndal Fotball. I juni 2014 vart det kjent at han tek over som hovudtrenar for A-laget til Sogndal Fotball etter 2014-sesongen.

Eirik Bakke har spela meir enn 50 kampar på dei norske landslaga i aldersbestemte klassar, og har som seniorspelar hatt 27 kampar på det norske A-landslaget. Son til Svein Bakke.

I 2011 var Eirik Bakke tilbake i sogndaldrakta. Foto: Rune Fossum, NRK.

I 2011 var Eirik Bakke tilbake i sogndaldrakta. Foto: Rune Fossum, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 17.06.2015