F

Adam Fischer, 1888–1968, var dansk bilethoggar.

Anders Jan Folkestad, lektor og fagforeiningsmann, leiar for UNIO – hovudorganisasjonen for universitets- og høgskuleutdanna – sidan han vart oppretta i 2001.

Arne Falk, journalist og redaktør, som arbeidde i pressa i 60 år, det meste av tida i nynorske aviser og blad.

Aud Folkestad, lektor, kulturarbeidar og venstrepolitikar frå Møre og Romsdal.

Augustinus Augustinussen Flor, prest og mellom dei første namngitte nordmenn som skreiv på bygdemål. Dei humoristiske høvesdikta hans har både språkhistorisk og kulturhistorisk interesse.

Bjarne Fidjestøl, tidsskriftredaktør, språk- og litteraturforskar. Knapt nokon har i seinare tiår formidla norrøn språk- og litteraturhistorie med større tyngd og språkleg presisjon.

Charlotte Frogner, skodespelar som tolkar allsidige og krevjande roller på teater og film. Ho har vore tilsett ved Det Norske Teatret sidan 2004.

Claus Frimann, prest og diktar, skreiv populære folkelege dikt og viser med eit klart folkeopplysningspreg. Den folkekjære diktarpresten var òg ein dugande forretningsmann, med sterk økonomisk sans.

Cornelis Floris (eigentleg de Vriendt), 1514–75, var flamsk arkitekt, bilethoggar og teiknar.

Erik Fossåskaret, kultursosiolog med særleg kunnskap om stad, region, identitet og kulturelle endringsprosessar på Vestlandet, i Hardanger, Rogaland og Ryfylke.

Étienne-Maurice Falconet [-kåne], 1716–91, er fransk bilethoggar og kunstskribent.

Feidias (latin Phidias), var gresk bilethoggar og den mest kjende kunstnaren i antikken.

Gerhard Fischer, 1890–1977, var arkitekt, arkeolog og kunsthistorikar.

Gunnar Bård Flikke, journalist og sjefredaktør i Adresseavisa i 18 år, mellom 1988 og 2006. Han har arbeidd for avisa i meir enn 40 år.

Halvdan Wexelsen Freihow, prest og ungdomslagsleiar.

Bjarne Halvdan Furholt, lærar, målmann og spelemann.

Halvor Floden, forfattar og lærar. Han skreiv nokre av dei mest realistiske og gripande klassikarane i norsk barnelitteratur.

Hans Hanson Fykerud, spelemann frå Telemark som vart konsertartist og krovert i USA.

Harald Flor, f. 1944, er kunsthistorikar og har mellom anna verka som kunstkritikar i Dagbladet.

Helen Frankenthaler, 1928–2011, var amerikansk målar.

Håkon Fimland, lærar, idrettsutøvar, politikar og kulturarbeidar.

Håvard Flo, tidlegare profesjonell fotballspelar frå Stryn. Flo var ein angrepsspelar med styrke i hovudspelet. Han medverka sterkt på landslaget under fotball-VM i 1998.

Ingemund Fænn, pressemann og lokalpolitikar. Han byrja som redaktør i avisa Fjordingen i Stryn og vart den siste «Venstre-redaktøren» i Bergens Tidende.

Jan Terje Faarlund, språkforskar og professor. Han var med og skreiv Norsk referansegrammatikk, den største grammatikken som er utgitt for norsk språk.

Jon Ingolv Fatnes, pressemann. Han skipa to store nynorskaviser, Hallingdølen i 1936 og Jærbladet i 1949.

Jon Faukstad, trekkspelar og akkordeonist, formidlar av tradisjonsmusikk frå Gudbrandsdalen, men har òg har teke initiativ til ny musikk for akkordeon.

Jostein Flo, norsk fotballspelar med 53 landskampar. Kraftspiss som spela for mange fotballklubbar i Noreg og i utlandet.

Jørn Fossheim, pianist og dirigent, har turnert mykje i Russland og har arbeidd med redigering av eldre norske verk.

Knut Fortun, informasjonssjef og ungdomslagsmann. Aldri hadde Noregs Ungdomslag fleire medlemer enn i hans tid som dagleg leiar i organisasjonen.

Leiv Flydal, språkforskar og professor i romansk filologi. Han var ei særmerkt røyst i norsk språkvitskap.

Lucian Freud, 1922–2011, var britisk målar og soneson av Sigmund Freud.

Narve Fulsås, historikar og forskar ved Universitetet i Tromsø som har arbeidd særleg med nyare tids kultur- og mentalitetshistorie.

Odd Furøy, skodespelar, fiskarson som vart lærar, som forlét skulelivet til fordel for teaterkunsten, og som meinte at anonymitet er ein livskvalitet.

Ole («Ola») Olsen Five, skulemann, venstrepolitikar og skyttarlagsorganisator. Han var hovudmannen bak folkevæpningsrørsla i 1880-åra.

Olav Fjose, sokneprest og prost i Bjørgvin bispedøme. Han var ein av sju norske prestar som vart ordinert i Sverige under krigen.

Olav Flaaten, lærar. Han var med i Døleringen, var medredaktør av bladet Svein Urædd, skreiv bygdeviser og var med og skipa Telelaget i Oslo.

Pierre-François Léonard Fontaine, 1762–1853, var fransk arkitekt.

Richard Buckminster Fuller, 1895–1983, var amerikansk arkitekt og ingeniør.

Rolf Magne Fredheim, industriarbeidar og forfattar som tok pulsen på tida som profilert arbeidarlyrikar i 1970-åra.

Sigurd Fjær, teolog og prest. Han var domprost i Nidaros frå 1946 til 1959, kjend for eit ope kristensyn og eit sterkt kulturengasjement.

Stein Fossgard, folkehøgskulestyrar, seinare tilsynsmann for folkehøgskulane, i mange år mellom dei fremste tillitsmenn i fråhaldsrørsla.

Trond Isaksen Flatebø, felemakar frå Hardanger, son av Isak Botnen.

Trygve Fosstveit, kringkastingsmann og folkeopplysningsmann. Han arbeidde i over 30 år i undervisningsradioen i NRK og var drivkrafta bak radiokurs i nordsamisk.

Unni Fortun, avdelingsdirektør og ungdomslagskvinne. I 1983 blei ho som den første kvinna vald til leiar i Noregs Ungdomslag.

Åsmund Farestveit, teolog, sokneprest og romanforfattar frå Voss med lidenskap for nynorsken. Kombinasjonen av kristentru og livet på Vestlandet utgjorde grunnlaget for forfattarskapen.

Åsmund Forfang, forfattar og omsetjar som har skrive barne- og ungdomsbøker, romanar, noveller og dokumentarbøker.