Hopp til innhold
X
Innhald

Frederik Balthazar Fraas

Frederik Balthazar Fraas (Hillestad) (1849-1913) frå Solvorn. Bonde og politikar Moderate Venstre/Høgre.

Arbeidde nokre år som fehandlar før han overtok farsgarden Bjørnetun i 1885, og bytte den mot Hillestad i 1888. Han selde i 1900 og flytta først til Oslo, deretter til ein gard han kjøpte i Ullensaker. Også den selde han og kjøpte garden Hovin i Østre Aker.

Fredrik Fraas vart ein av leiarane i lekmannsrørsla i Sogn. Var m.a. banksjef, medlem i kommunestyret i Hafslo 1884-1913, og var medlem av jordbruksskulestyret i fylket. Vararepresentant til Stortinget 1889-1891, og fast representant 1892-1894, 1895-1897 og 1898-1900.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 04.03.2008