Hopp til innhold
X
Innhald

Fredrik Christian Juell

Ordførar Fredrik Christian Juell. © Fylkesarkivet.

Ordførar Fredrik Christian Juell. © Fylkesarkivet.

Fredrik Christian Juell (1804-1881) frå Flatdal, busett i Sogndal og Aurland. Jurist og politikar. Underrettsprokurator i Sogn 1838. Han budde på garden Bahus like ved Sogndalsfjøra. Ordførar i Sogndal frå 1842 til 1851.

Arbeidde i fylkestinget for å få bygt sjukehus i fylket, og gjorde i 1845 framlegg om at ein skulle byggje veg over Gaularfjellet - over 100 år før vegen kom.

I 1851 vart han avsett frå stillinga etter ei stor bedragerisak der også sorenskrivar Johan Henrik Cappelen i indre Sogn og ein juristkollega i Sogndal, Jonas Lund var innblanda. Etter at han vart avsett, flytta han til Austlandet, der han dreiv jordbruk og trelasthandel.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 16.08.2011