Hopp til innhold
X
Innhald

Fritz Hjelmeland

Foto: Randi Indrebø, NRK.

Foto: Randi Indrebø, NRK.

Fritz Hjelmeland (1939-2013) frå Hjelmeland i Gaular, busett i Førde. Entreprenør og investor.

Fritz Hjelmeland arbeidde ei tid i Amerika før han i 1960 tok arbeid i brørne Gunnar og Finn Hjelmeland si entreprenørforretning i Førde. I 1962 starta Fritz si eiga entreprenørforretning, og satsa etter kvart stort på bygging av eigne forretningsbygg i Førde sentrum.

I 1973 bygde Fritz ei av fylkets største byggevareforretningar på Halbrendsøyra, Førde Bruk, som han i nokre år dreiv saman med syskena (bygget huser idag Toyota Førde).

I 1974 bygde han første byggjesteg på Elvegården, der m.a. Erdal Sport, Sparkjøp og ei tid Førde Handelsskule hadde tilhald. Bygget er etter kvart utvida til 13.000 kvm.

I 1985 bygde Fritz Hjelmeland eit større forretningbygg på Halbrendsøyra, og i 1996 gjekk han saman med grunneigaren Torbjørn Berqvam og bygde varehuset Førde Torg på 11.000 kvm. Han er også hovudaksjonær i selskapet som eig Sunnfjord Hotell AS. I 2011 vart Elvegården og Førde Torg bygde saman og fekk namnet Elvetorget.

Bror til Gunnar Hjelmeland, Andreas Hjelmeland og Finn Hjelmeland.

Elvegården i Førde. Foto: Kjell Arvid Stølen, NRK.

Elvegården i Førde. Foto: Kjell Arvid Stølen, NRK.

Les også om: Forretningsfamilien Hjelmeland

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 19.12.2013