Faktaboks

Arne Grimstad
Fødd
10. juli 1923, Hareid, Møre og Romsdal
Død
4. mai 2019, Hareid, Møre og Romsdal
Arne Grimstad i 1972.
Av /Norsk Teknisk Museum/Digitalt Museum.
Lisens: CC BY SA 4.0

Arne Grimstad var forfattar, kringkastingsmann, rektor, kåsør og samfunnsdebatt. Han var tilhengjar av både arbeidarrørsla, kristendom, målsak og fråhaldssak.

Bakgrunn

Arne Grimstad var fødd på HareidSunnmøre i Møre og Romsdal. Han tok lærarutdanning ved Volda lærarskule i 1949. Deretter var han lærar ved Skånevik realskule i fire år, før han vart rektor på Olavskulen på Bømlo. I 1960 vart han tilsett i NRK. I 1975 vart han lærar i radiojournalistikk ved Distriktshøgskulen i Volda, der han arbeidde fram til 1980.

Forfattarskapen

Arne Grimstad har skrive fleire romanar, barnebøker og diktsamling. I romanane nyttar han erfaringar frå miljøet på heimstaden, mellom anna i selfangst-trilogien Men havet fortel ingen ting, Islosen og Selungen (1970–1972) og i serien om den norske utvandringa til Canada i romanane Jord og jern, Nord om sjøane, Mot jerntider og Landet er ditt (1974–77). Bøkene Det milde hjertet (1979) og Hild frå havet (1981) skildrar vestlandsbygder i gamal tid. Han gav òg ut diktsamlinga Veg og vandrar (1973).

I 1981 gav han ut den kritiske debattboka Gjør NRK demokratisk, med stipend frå Fritt Ord. I tillegg kjem ei mengd artiklar, både i dagspressa og i tidsskrift. I mange år markerte han seg som ein sterk motstandar av norsk medlemskap i EEC/EF/EU. I 2004 vart han tildelt Kongens Fortenestemedalje i gull.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg