Hopp til innhold
X
Innhald

Geir Robin Hoddevik

Geir Robin Hoddevik. Foto: Svein Aam.

Geir Robin Hoddevik. Foto: Svein Aam.

Geir Hoddevik fødd 1955 i Måløy, busett i Ålesund. Industrieigar og fiskeeksportør.

Saman med broren Jan Otto Hoddevik bygde han frå slutten av 1980-talet opp Global Fish til eit av dei største fiskeriselskapa i Noreg, med anlegg frå Egersund til Trøndelag. Selskapet flytta etter ei tid administrasjonen frå Måløy til Ålesund.

I 2000 gjekk Global-gruppa inn i Pan Fish, der Geir Hoddevik var leiar i Pan Pelagic. Broren dreiv marknadsavdelinga i Global vidare som eige selskap, og då Pan Fish fekk økonomiske problem og vart reorganisert i 2003, gjekk Geir Hoddevik tilbake til Global Fish.

I 2007 gjekk Global Fish inn i Norway Pelagic (sjå Domstein-konsernet), og Hoddevik hadde ei leiarstilling der før han slutta i konsernet i 2012.

Son til Otto Hoddevik - sjå denne under: Kjende personar i Vågsøy fødde år 1880-1940.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 13.06.2012