H

Anders Hovden, prest, diktar og folketalar. Kristendom og norskdom var sentrale omgrep for han, som heile livet levde etter mottoet «Ver aldri redd i ærleg strid!»

Andreas Christiansen Halse, politikar og dagleg leiar i Svenssonstiftelsen. Han var leiar i Sosialistisk Ungdom (SU) i perioden 2012–14.

Anne Bolette Holsen var kvinnesakskvinne, lærar og pedagogisk pioner innanfor det norske skuleverket.

Anne Karin Hamre, statsvitar, journalist og leiar i offentleg sektor. Frå hausten 2018 er ho ekspedisjonssjef for regionalpolitisk avdeling i Kommunal- og moderniseringsdepartementet.

Anniken Hauglie, cand.polit. og politikar, tidlegare byråd for kunnskap og utdanning i Oslo. Ho var arbeids- og sosialminister i Solberg-regjeringa 2015–2020. 

Are Helseth, lege og 1. vararepresentant til Stortinget for Arbeidarpartiet frå Akershus, men har møtt fast sidan 2009.

Arild Hoksnes, forfattar, journalist, musikar og humorist.

Arne Hjeltnes, konsernsjef, forfattar, folkekjær og allsidig programleiar på NRK og TV2 og høgrepolitikar.

Arve Henriksen, allsidig trompetist og komponist med stor suksess både nasjonalt og internasjonalt.

Eila Hiltunen, 1922–2003, var finsk bilethoggar.

Fanny Holmin er redaktør, lyrikar og utøvar i eigne sceneproduksjonar. Tekstane og kunsten hennar har eit vidt spenn, med nyskapande og kreative uttrykk.

Francis Hagerup, jurist og politikar. Han var statsminister frå 1903 til 1905, då usemje om unionspolitikken førte til at han gjekk av.

Georg Wilhelm Friedrich Hegel, tysk filosof, oppteken av rett, moral og modernitet, søkte allmenne utviklingslover for menneske og samfunn og ville samle all kunnskap i ein heilskapleg teori.

Gjermund Hagesæter, jurist og tidlegare stortingsrepresentant for Framstegspartiet frå Hordaland i fleire periodar.

Guro Kleven Hagen er ein norsk fiolinist frå Fagernes i Valdres. 23 år gamal vart ho konsertmeister i Operaorkesteret, som den yngste gjennom tidene.

Hans Herbjørnsrud skriv ordrike, fantasifulle noveller og har danna ein eigen stil i den norske novelletradisjonen.

Hans Hyldbakk, forfattar og lokalhistorikar, skreiv «Vårsøg» og andre folkekjære dikt – og meir enn 11 000 sider lokalhistorie.

Heikki Holmås, siviløkonom. Holmås var stortingsrepresentant i fleire periodar for Sosialistisk Venstreparti for Akershus og er tidlegare bistandsminister i Noreg.

Hulda Holtvedt, politikar og nasjonal talsperson for Grøn Ungdom sidan 2017, den yngste ungdomspartileiaren i Noreg nokon gong.

Haakon Magnus er kronprins i Noreg. Han er gift med kronprinsesse Mette-Marit. Kronprins Haakon har engasjert seg i internasjonale utfordringar og har vore oppteken av å tilpasse den kongelege rolla til si tid.

Ingrid Espelid Hovig, folkekjær TV-kokk, kokebokforfattar og matopplysar som dreiv opplysning om mat og kosthald i ein mannsalder.

Ingrid Bjørketun Heggø, banktilsett og stortingsrepresentant for Arbeidarpartiet frå Sogn og Fjordane sidan 2005.

Ingvild Holvik var nominert til Brageprisen for omsetjinga av Attila Bartis’ roman Stillheten i 2009.

Jon Hjørnevik er ein norsk humorpoet, kabaretforfattar og komikar med mange sprelske bøker og show.

Jon Ottar Hustad, forfattar, journalist og debattant som særleg har markert seg i norsk samfunnsdebatt med synspunkt på den norske skulen , norsk kultur og den norske velferdsstaten.

Juan de Herrera [errera], ca. 1530–97, var spansk arkitekt.

Jul Haganæs, norsk forfattar frå Valdres. Han er særleg kjend som lyrikar, men skreiv også noveller og fleire biografiar.

Jürgen Habermas, tysk professor i filosofi og sosiologi. Forgrunnsfigur i vesteuropeisk filosofi og samfunnsvitskap gjennom eit halvt hundreår.

Kari Henriksen, psykiatrisk sjukepleiar og stortingsrepresentant for Arbeidarpartiet frå Vest-Agder frå 2009.

Kine Hellebust, multikunstnar som starta karrieren i Tramteatret. Seinare har ho utmerkt seg med formidling og fortolking av nordnorsk kulturarv.

Kjartan Hatløy, forfattar og røyrleggjar. Han har eit godt grep om det poetiske, også når han skriv prosa.

Kjersti Wøien Håland er forfattar og manusforfattar, skribent og lyrikar. Ho har markert seg som ei røyst for dei unge vaksne og har auka merksemda rundt distriktsungdom.

Knut Hauge var forfattar og bonde i Vestre Slidre i Valdres.

Kristian Halse, lærar og politikar, var ei drivande kraft i kulturlivet i Vefsn kommune. Han gav ut bøker og skreiv artiklar om historie og kultur i Mosjøen og Vefsn. Han skreiv òg artiklar om Helgelands kulturhistorie.

Kristin Halvorsen, markant partileiar i SV i 15 år og tidlegare finansminister og kunnskaps- og forskingsminister. I 2005 blei ho den første kvinnelege finansministeren i Noreg.

Leif Torvald Halse, teikneserieforfattar og lokalhistorikar. Han skapte teikneserien Vangsgutane, og med det blei han ein av dei mest lesne nynorskforfattarane.

Linda Cathrine Hofstad Helleland, stortingsrepresentant for Høgre frå Sør-Trøndelag i fleire periodar og distrikts- og digitaliseringsminister.

Magnhild Hagelia, politikar. Ho representerte Arbeidarpartiet på Stortinget i 16 år og var den første kvinna i presidentskapet.

Mally Haaland, skodespelar med talent for både drama og komedie. Ho underheldt publikum med karakterkomikk av det absurde og groteske slaget.

Mani Hussaini, tidlegare politikar og leiar i AUF, ungdomsorganisasjonen til Arbeidarpartiet, frå 2014 til 2018. Han var den første leiaren i AUF med bakgrunn som politisk flyktning.

Margunn Hageberg, filolog, forfattar og lærar. Ho skriv mest lyrikk og overraskar gjerne med diktopplesing på kafear og gatehjørne.

Marianne Clementine Håheim er forfattar, skriv både lyrikk og prosa, og har markert seg med friskt, modig språk og personlege tema.

Kristofer Marius Hægstad, forleggjar og språkforskar. Han skipa aviser og skule, blei den første professoren i landsmål og laga den første offisielle rettskrivinga for det nye landsmålet.

Mattis Hætta, på samisk kjend som Simona Máhtte, joikar og skodespelar.

Mona Høvring er ein produktiv og kritikarrost norsk lyrikar og romanforfattar som tematiserer områda erotikk, seksualitet og intimitetsproblem.

Oddmund Hagen, forfattar og litteraturkritikar. Han er ei lågmælt og særmerkt røyst i den nynorske litteraturen.

Olaf Helset, idrettsmann og offiser. Han var blant dei fremste motstandsmennene under den andre verdskrigen og ein nøkkelperson i samlinga av norsk idrett.

Olaus Høydal, lærar og forfattar. Han skreiv barne- og ungdomsbøker, vaksenromanar og sketsjar og den første norske boka om buddhisme.

Olav Jakobsson Høyem, lærar frå Byneset som gav ut skulebøker i si eiga landsmålsform. Han kjempa for eit skriftspråk som låg nær talemålet i Trøndelag.

Ole Hamre, norsk perkusjonist, komponist og musikkaktivist som blir lagd merke til for humør, speleglede og originalitet.

Otto Annkjell Hageberg, litteraturforskar.  Han var ein allsidig formidlar av poesi og prosa og skreiv bøker om Olav Duun og Ragnvald Skrede.

Otto Huseklepp var folkehøgskulestyrar, lærebokforfattar og museumsmann, med sterkt engasjement for kristeleg organisasjonsarbeid.

Paal-Helge Haugen, ein av dei fremste lyrikarane i sin generasjon. Han er allsidig og har ein stor produksjon også som dramatikar, prosaforfattar, librettoskrivar og gjendiktar.

Ragnar Hovland, forfattar og omsetjar som har skapt eit tekstunivers der det konkrete og det mytiske, det kvardagslege og det absurde vert kopla saman.

Ragnhild Hemsing er ein norsk musikar frå Aurdal i Valdres. Ho er ein kjend fiolinist, ikkje berre her til lands, men også internasjonalt.

Ragnvald Hammer, prest, arbeidde det meste av sitt yrkesaktive liv som døveprest. Han er kjend for å ha skrive diktet «Dar kjem dampen».

Randi Hansen, artist og musikkpedagog. Som musikar var ho blant dei fremste representantane for den nordnorske visebølgja i 1970- og 80-åra.

Rasmus Johan Michael Hansson, biolog, forskar, miljøaktivist og tidlegare talsperson for Miljøpartiet Dei Grøne (MDG). Han var partiet sin første stortingsrepresentant (2013–2017).

Sigbjørn Heie, forfattar og lærar frå Tysnes. Forteljingsbøker for barn og unge og var poesi pregar forfattarskapen hans.

Sigrid Merethe Hanssen, forfattar. Ho skriv mellom anna om avgjerande opplevingar i livet og mangel på kommunikasjon.

Silje Halstensen, eller Bendik, norsk popartist som syng om kor fin og vanskeleg kjærleiken kan vere.

Siri Helle, agronom og forfattar med sterkt engasjement for miljø, dyrevelferd, berekraftig matproduksjon og matbransjepolitikk.

Solveig Horne, butikkslaktar, stortingsrepresentant for FrP frå Rogaland og tidlegare barne-, likestillings- og inkluderingsminister.

Svein Harberg, sjølvstendig næringsdrivande, tidlegare ordførar i Grimstad og stortingsrepresentant for Høgre frå Aust-Agder sidan 2009.

Terje Hellesen er ein forfattar frå Florø som skriv i fleire sjangrar.

Thore Eithun Helland, jurist med bustadrett som spesialfelt og forfattar med romanar der juristar er hovudpersonar.

Tone Hansen, kunstnar, kunstskribent og direktør ved Henie Onstad Kunstsenter i Bærum, ein av dei viktigaste institusjonane for samtidskunst vi har i Noreg. Frå 2016 er ho òg leiar for Kulturrådet.

Tone Hødnebø er lyrikar.  Ho har gitt ut fleire diktsamlingar og gjendiktingar, og fått fleire prisar for forfattarskapen sin. 

Tord Hustveit, student, politikar og leiar i Unge Venstre, ungdomsorganisasjonen til partiet Venstre, sidan 2013.

Tore Elias Hoel er forfattar, særleg kjend for ungdomsromanane sine. Han fekk Blix-prisen for boka Glaskula.

Tormod Haugland, forfattar og essayist som har hausta strålande kritikkar for bøkene sine. Han var leiar for Skrivekunstakademiet i Hordaland frå 1998 til 2008.

Vera Margrethe Henriksen var ein særs produktiv forfattar, som skreiv i mange sjangrar. Ho hadde ei sjeldan evne til å omdanne fagkunnskap til historiske romanar.

Vidar Helgesen, jurist, diplomat, politikar og statsråd frå oktober 2013. Han overtok som klima- og miljøminister i desember 2015, og hadde rolla til og med januar 2018.