Johannes Haarklou

Finsk - Finsk har ikkje grammatisk kjønn og bruker eitt ord, hän, der norsk skil mellom han og ho.

Nynorsk skriftkultur år for år 1646—2021.

Johannes Haarklou

Johannes Haarklou, komponist og organist, sentral i norsk musikkliv i perioden 1880–1925. Han komponerte operaer, kjempa for operasaka og var ein skarp musikkskribent og kritikar i hovudstaden.

Johannes Haarklou var fødd 13. mai 1847 i Haukedalen i Førde og døydde i Oslo 26. november 1925. Han tok lærareksamen i 1868, studerte ved musikkonservatoriet i Leipzig 1873–75 og eitt år ved Hochschule für Musik i Berlin.

Av dei nær 130 verka Haarklou komponerte, finst det fem operaer, mellom dei Marisagnet og Tyrfing, det første norske oratoriet, Skabelsen og Mennesket, til tekst av Henrik Wergeland, fire store orgelverk, fire symfoniar, ei rekkje romansar og ein fiolinsonate. For mannskor er særleg «Varde» og «Tord Foleson», til tekst av Per Sivle, mykje omtykte.

Johannes Haarklou fekk komponistgasje i 1910 og vart utnemnd til riddar av 1. klasse av St. Olavs Orden i 1911. I 1927 vart det reist ein bauta med portrettmedaljong på farsgarden Haarklou. Han fekk «Haarklous plass» oppkalla etter seg på Torshov i Oslo i 1929.

Orgelverka og romansane til Haarklou har fått eigne innspelingar.

Kjelder

Finn Benestad: Johannes Haarklou. Mannen og verket. Doktorgradsavhandling utgitt i bokform. Universitetet i Oslo,Institutt for musikkvitenskaps skriftserie, nr. 1. Oslo 1961

Finn Benestad: «Johannes Haarklou», Norsk biografisk leksikon, bd. 3. Oslo 2001. Elektronisk utgåve ved Store norske leksikon, snl.no,

http://www.snl.no/.nbl_biografi/Johannes_Haarklou/utdypning [lesedato 14.02.2011]

Først publisert: 14.02.2011
Sist oppdatert: 26.11.2019