Faktaboks

Peter Hallaråker

Peter Samuel Hallaråker

Fødd
21. mars 1933, Bremnes, Bømlo
Død
27. mai 2011

Peter Hallaråker, namnegranskar som med utgivinga av handbok om namneinnsamling hjelpte historielag og andre namneinteresserte i gang med innsamling av stadnamn.

Bakgrunn

Han tok examen artium ved Voss landsgymnas i 1954 og vart cand.philol. ved Universitetet i Bergen i 1961, med norsk hovudfag, engelsk mellomfag og folkeminnevitskap grunnfag. Han studerte dessutan engelsk ved University of Minnesota i 1964–1965. Frå hausten 1962 var han tilsett som førsteamanuensis i norsk ved Høgskulen i Volda. Han underviste i norsk ved Universitetet i Bologna i 1966–1968 og ved Universitetet i Wisconsin i 1978–1979. Han hadde forskingsopphald ved fleire utanlandske universitet.

Virke

Hallaråker stod som leiar for «Stadnamnprosjektet» i regi av Møreforsking i perioden 1985–1995. Røynslene frå prosjektet resulterte i Innføring i stadnamn. Innsamling og gransking, ei handbok om namneinnsamling som kom ut i 1997. I 1983 kom Norwegian nynorsk: an introduction for foreign students ut, ei lærebok om nynorsk for utanlandske studentar. Dette emnet tok Hallaråker seinare for seg i fleire bøker og artiklar. Innanfor namnegranskinga interesserte han seg særleg for namn på vegar, og i 2006 kom oppslagsverket Vegar og namn. Veg- og gatenamnleksikon for Møre og Romsdal. Han skreiv ti bøker om stadnamn og vel hundre vitskaplege artiklar om stadnamn og nynorsk.

Hallaråker hadde fleire fagpolitiske verv.

Les meir i Store norske leksikon

Eksterne lenker

Kommentarar (1)

skreiv Morten Haave

Han står kategorisert under "Norske politikere", det bør kanskje endres.

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg