Thomas Johannessen Heftye var bankier, konsul og spela ei viktig rolle i norsk næringsliv. I tillegg var han ein av stiftarane av Den Norske Turistforening (1868).?

Thomas Johannessen Heftye, 1822–86, var bankier, konsul og spela ei viktig rolle i norsk næringsliv. Heftye leidde i mange år det fremste bankierhuset i landet. I tillegg var han ein av stiftarane av Den Norske Turistforening (1868).

Heftye var ein av pionerane i norsk friluftsliv. Han hadde store eigedomar rundt Oslo, mellom anna Sarabråten og Frognersetra. Han oppmoda borgarane i hovudstaden om å gå på ski. Heftye overtok også ein stor eigardel i Eidsbugarden ved Tyin i Jotunheimen og kjøpte store fjellområde. Thomas Heftye var ein av initiativtakarane til Den Norske Turistforening og var første formann frå 1868.

Thomas Johannessen Heftye var utnemnd til ridder av St.Olavs Orden.

Henrik Ibsen gjestar Thomas Heftye på Sarabråten i Østmarka i 1874 .Foto: Thorvald Chr. Christensen. Kjelde: Oslo Museum CC BY SA 4.0

Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009