Hopp til innhold
X
Innhald

Hans Feigum

Johan Christian Dahl (1788-1857):

Johan Christian Dahl (1788-1857):

Hans Christoffersen Feigum (også skrive Feiga) (1798-1874) frå Hafslo, busett i Feigum. Bonde, lekpredikant og skipar av «feiganisma».
Reiste saman med seinare stortingsmann Hans Arneson Urdahl til Oslo i 1815, og kom der i kontakt med lekpredikanten Hans Nielsen Hauge.

Braut med haugianarane

Feigum reiste lenge rundt som lekpredikant for Hauge-rørsla. I 1830 braut den svært pietistiske Feigum med haugianarane og skipa si eiga «rørsle» - m.a. fordi han meinte at hauginarane tok for lett på kravet til omvending. Han la også stor vekt på Det gamle testamentet i trua si.

Profetskulen

Mange kom eins ærend til Feigum for å slutte seg til læra hans, og garden vart på folkemunne kalla «Profetskulen». Møta vart haldne på loftet i den gamle mølla (sjå måleri nedst på sida). I tillegg til Luster, fekk Feigum også mange tilhengarar i Aurdal, Valdres og Hallingdal, der Helge Hagen var ein ihuga predikant for «feigianismen». Rørsla døydde ut då skiparen Hans Feigum gjekk bort i 1874.

Sjå også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 24.03.2011