Hopp til innhold
X
Innhald

Ingemar Nordstrand

Ingemar Nordstrand i 2012. Foto: Tone Merete Lillesvangstu, NRK.

Ingemar Nordstrand i 2012. Foto: Tone Merete Lillesvangstu, NRK.

Ingemar Nordstrand fødd 1932 i Hyllestad. Lærar, Venstre-politikar, journalist, forfattar og «vegbergar».

Nordstrand er særleg kjend for det store arbeidet han har lagt ned for restaurering og merking av gamle vegar – m.a. den gamle hovudvegen gjennom Vindhella i Lærdal og Den Trondhjemske Postvei (sjå Den Trondhjemske Postvei i Hyllestad og Vindhellavegen).

Han har m.a. skrive «Postvegen Bergen- Trondheim» (Samlaget 1996), «Vegfolk fortel – minne frå Sogn og Fjordane» (Statens Vegvesen) og «50 år med Svultingen 1939-1989». Som lokalhistorikar er Nordstrand m.a. redaktør av sogeheftet for Hyllestad.

I yngre år reiste Nordstrand mykje, og var m.a. sauegjetar og gullgravar på New Zealand. Som politikar har Nordstrand vore medlem av landsstyret og leiar i Unge Venstre, medlem av Horten bystyre og formannskap 1963-1972, og ordførar i Hyllestad 1980-1981.

Han tok på 1980-talet initiativet til ein årsviss næringslivskonferanse i Sogn og Fjordane og skiping av «Profilprisen» for det lokale næringslivet. Frå 1986 til 1988 gav han ut tidsskriftet «Samfunn og næring i Sogn og Fjordane» (sjå Aviser og media i Førde)

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 01.06.2012