John Lillestøl (1926-2003), frå Raudeberg. Lærar og politikar for Kristeleg Folkeparti.

Ordførar i Vågsøy og medlem av fylkestinget 1976-1983. Der var han gruppeførar for Kristeleg Folkeparti, og fylkesvaraordførar 1976-1983.

På slutten av 1960-talet var John Lillestøl ein av dei få politikarane i fylket som viste engasjement for det nye skuleslaget distriktshøgskular. Han tok saka opp gjennom Sogn og Fjordane Lærarlag, noko som førte til skiping av Distriktshøgskulenemnda for Sogn og Fjordane.

Tildelt heidersteikn frå Kommunenes Sentralforbund, og han fekk Kongens fortenestemedalje i gull i 1994.