Hopp til innhold
X
Innhald

Jonas Rein Landmark

Jonas Rein Landmark (1848-1919) frå Bergen, busett i Førde. Prest, hagedyrkar og botanikar.

Cand. theol. 1872. Lærer ved jenteskule på Lillehammer 1875-1876, personellkapellan i Selja og deretter sokneprestvikar i Beitstad og Vanylven før han i 1877 vart sokneprest i Målselv. I 1885 sokneprest i Flakstad og prost i Lofoten. Sokneprest i Førde 1900-1917.

Landbruksmedalje

I tida i Nord-Noreg vart han ein føregangsmann for hagebruk i landsdelen, og fekk Landbruksmedaljen av kong Oscar II. Då han døydde, gav han eit herbarium (plantesamling) med 4000 tørka plantar til Bergen Museum. Han er far til den kjende filosofiprofessoren Johan Daniel Landmark (1876-1938) og soneson av sorenskrivar Nils L. Landmark (sjå Fjaler kommune).

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 16.11.2011