K

Ann Kavli, lyrikar og prosaist som også arbeider med kunstfag, bokillustrasjon og performancekunst.

Anna Kleiva er lyrisk forfattar og omsetjar, og ho har markert seg med ei nyskapande poetisk stemme.

Are Kalvø, forfattar og satirikar som har hausta ros og prisar for framifrå imitasjonar og for skarp, samfunnskritisk humor.

Arnfinn Kolerud, profilert ungdoms- og vaksenbokforfattar med fleire litterære prisar. Bøkene hans er prega av språkleg kreativitet og ordleik, med handlingar lagde nær opp til kvardagsliv og jordnær røyndom – med rom for fantasirike innfall.

Bergljot Kaslegard er ein norsk forfattar og litteraturformidlar frå Ål i Hallingdal. I fleire av bøkene sine skriv ho med djup innleving om alderdom og tilbakeblikk på livet slik det vart.

Betzy Kjelsberg var politikar for Venstre og kvinnesaksforkjempar. Ho var den første kvinnelege fabrikkinspektøren i Noreg.

Daniel Kvammen, norsk popartist som spelar låtar med høg allsongfaktor om kvardagslivet og kjærleiken på Geilo-dialekt.

Eva Lundegaard Kolstad, revisor og politikar, det første likestillingsombodet i Noreg og ei drivkraft i likestillingspolitikken i store delar av det 20. hundreåret.

Frank Kjosås, norsk skodespelar. Han har nådd breitt ut til publikum gjennom allsidige roller på teater, film, i fjernsynsseriar og musikalar. Sidan 2006 har han vore tilsett ved Det Norske Teatret.

Gerd Kristiansen, hjelpepleiar, fagforeiningsleiar og tidlegare leiar i Landsorganisasjonen i Noreg (LO), som er den største hovudsamanslutninga av arbeidstakarorganisasjonar i Noreg. Kristiansen var den andre kvinnelege leiaren av LO.

Gorm Lybeck Kjernli, kommunikasjonsrådgjevar og stortingsrepresentant for Arbeidarpartiet frå Akershus 2008—2013.

Gunnar Knudsen, politikar.  Den einaste med teknisk bakgrunn som har vore statsminister i Noreg. Mange reknar hans som den første landsfader.

Halvdan Koht, historikar, politikar og nynorskforkjempar. Han var utanriksminister då Nazi-Tyskland okkuperte Noreg 9. april 1940 og var ein omstridd mann både under og etter krigen.

Henrik Krohn, gründer. Han tok initiativet til det første organiserte mållaget i landet, Vestmannalaget.

Johannes Høsflot Klæbo, langrennsløpar som vann tre OL-gull i Pyeongchang i 2018. Klæbo vart då den yngste olympiske gullvinnaren i langrenn gjennom tidene.

Johannes Kleppevik, musikar og låtskrivar som heile livet arbeidde for å ta vare på og auke statusen til den vestlandske kystkulturen.

John Klæbo, lærar, lyrikar og skribent. Han var ein nordnorsk bondestudent som tidleg blei målmann, ein av «dei unge døde» i målrørsla.

Kari Kjønaas Kjos, rådgivar og stortingsrepresentant for Framstegspartiet frå Akershus frå 2005.

Kjartan Lauritzen, artist frå Balestrand som lagar leiken rapmusikk om helgeliv og sommaridyll.

Kjersti Kollbotn er ein forfattar som sameiner realisme og poesi i usentimentale skildringar av sårbare menneske.

Kygo, norsk artist, DJ og komponist som har gjort internasjonal suksess med elektronisk dansemusikk, EDM. Han er den artisten som på kortast tid har nådd ein milliard avspelingar på Spotify.

Lasse (Lars) Kolstad, skodespelar og songar. Han høyrde med til dei sentrale skodespelarane ved Det Norske Teatret i siste del av 1900-talet. Ikkje minst var han ei sentral kraft i mange av musikkoppsetjingane ved teatret. Han hadde ei karakteristisk og ruvande røyst.

Lene Kaaberbøl, dansk forfattar av fantasybøker for barn og ungdom. I Noreg er barne- og ungdomsbøkene hennar omsette til nynorsk og gitt ut på Det Norske Samlaget.

Magnhild Meltveit Kleppa, adjunkt og fylkesmann i Rogaland. Statsråd og stortingsrepresentant i fleire periodar for Senterpartiet.
 

Martin Arvid Kolberg, markant partisekretær og stortingsrepresentant for Arbeidarpartiet frå Buskerud frå 2009, oppteken av fagrørsla og av å knekkje «FrP-koden».

Mette Karlsvik, forfattar, journalist og illustratør.

Olaf Bryn Kullmann, jurist, marineoffiser og pasifist. Han agiterte mot krig, vart frådømd stillinga som marineoffiser og skipa organisasjonen Folkereisning mot krig.

Olav Kobbeltveit, journalist og forfattar. Han var den første politiske redaktøren i Bergens Tidende og har skrive fleire aviskommentarar om nynorsk og språkpolitikk enn dei fleste.

Peder Kolstad, landbrukslærar og politikar. Han var statsminister i den første Bondeparti-regjeringa, frå 1931 til han døydde i 1932.

Per Olav Kaldestad, forfattar, litteraturvitar og organisasjonsmenneske som både skriv, forskar på og formidlar lyrikk for barn.

Petra Kvisli, forfattar og lærar. Ho var ei av dei tidlege kvinnene i nynorsk kulturhistorie.

Roald Kaldestad er barnebokforfattar, låtskrivar og musikar. Han lèt musikken få ei sentral rolle i bøkene sine og skriv om venskap i sorg og glede.

Rosemarie Köhn, fødd 1939, er teolog. Ho vart den første kvinnelege rektor ved Det praktisk-teologiske seminaret ved Universitetet i Oslo og Noregs første kvinnelege biskop.

Rønnaug Kleiva, forfattar, lyrikar og dramatikar som har hausta strålande kritikkar for stilrein og konsekvent litteratur.

Sigurd Kvåle frå Sogn var ein av dei fremste nynorske novellistane i mellomkrigstida, med tekstar som viser sterk medkjensle med dei som fell utanfor i samfunnet.

Siri Milde Kvamme, forfattar, bokmeldar og leiar for Litterær Salong i Haugesund.

Tea Kummen, lærar og barnebokforfattar som levde på 1900-talet. Ho var oppteken av målsak og likestilling og må på mange måtar ha brote med det stramme handlingsrommet samtida sette for kvinner, og etter kvart også for alder.

Tore Kvæven er forfattar og bonde. Han debuterte med spenningsromanen Hard er mitt lands lov i 2011.

Ulf Kristersson er ein svensk konservativ politikar og siviløkonom. Han er partileiar for Moderaterna, det største borgarlege partiet i Sverige.

Wollert Konow, politikar. Han skipa Frisinna Venstre og vart statsminister i 1910. Konow måtte gå som statsminister fordi han erklærte sin kjærleik til nynorsken.