Kygo

Kygo er ein norsk produsent og artist frå Fana i Bergen som opererer innan sjangeren elektronisk dansemusikk (EDM).

Artisten starta tidleg med produksjon av EDM og har etter kvart etablert seg som ei internasjonal EDM-stjerne, særskilt innan housekategorien «tropisk house».

Kygo står bak fleire internasjonale hitlåtar som Firestone, Stole the Show, Stay og Fragile. I mai 2016 slapp han debutalbumet Cloud Nine. Gørvell-Dahll har også remiksa kjende låtar av blant andre A-ha, Coldplay, Ed Sheeran og Marvin Gaye. Vidare har han samarbeidd med artistar som Selena Gomez, Miguel, OneRepublic, Store P og Lars Vaular.

Musikken hans har fått særleg merksemd grunna sin massive distribusjon gjennom strømmekanalar som Spotify, SoundCloud og YouTube. Frå 2014 har Kygo opptredd på stadig fleire store EDM-festivalar samt spelt eigne livekonsertar verda over. Sommaren 2016 arrangerte han sin eigen festival i heimbyen Bergen kalla Cloud Nine Festival. Saman med den amerikanske artisten Julia Michaels, framførte Kygo singelen deira Carry me under avslutningsseremonien til OL i Rio de Janeiro august 2016. USA-president Joe Biden si sigerstale etter presidentvalet i november 2020 vart avslutta med Kygo sin remix av Whitney Houston sin låt «Higher Love» (2019).

I 2022 spelte Kygo for 31 000 på Ullevaal Stadion og for 20 000 i Madison Square Garden i New York City. Han ga også ut albumet Thrill of the Chase dette året som inkluderer låtsamarbeid med blant andre Dagny, DNCE, Lukas Graham og Dean Lewis.

Under Spellemannprisen 2015 mottok Gørvell-Dahll prisen for årets låt, Stole The Show. I tillegg blei han kåra til Årets spellemann. Kygo har vore nominert til spellemannprisen kvart år i perioden 2016-2020 i kategoriane popsolist (2016) og årets låt (2016–2020). Har har også motteke P3-prisen under P3 Gull (2019).