Hopp til innhold
Forfattar Tore Kvæven. Foto: Tommy Ellingsen. Henta frå Det Norske Samlaget.
X
Innhald

Tore Kvæven

Tore Kvæven (f. 1969 i Sirdal) er forfattar og bonde. Han debuterte med spenningsromanen Hard er mitt lands lov i 2011. Det er ein historisk roman om eit vikingtokt som fantasifullt nok forlenger røvartoktet sitt til «Store Serkland» (Afrika) og tek seg inn i Kongo. Handlinga spelar medvite på romanar som Herman Melvilles Moby Dick og Joseph Conrads Heart of Darkness. 

I barneboka Kameljegeren (2013) held han seg på same kontinent, men dette er ei barnebok med eit meir leikande preg. Det handlar om ein kameljeger på motorsykkel og den halvt tamde villhunden hans.


Om artikkelen

Kjeldeliste til Jan Inge Sørbø: Nynorsk litteraturhistorie. Det Norske Samlaget 2018.

Artikkelen er henta frå Jan Inge Sørbø: Nynorsk litteraturhistorie. Det Norske Samlaget 2018. Publisert digitalt etter avtale med forlaget og forfattaren. Prosjektet er ein del av feiringa av 150-årsjubileet til Det Norske Samlaget og 10-årsjubileet til Allkunne.

Først publisert: 15.10.2018
Sist oppdatert: 15.10.2018