Knut Kvikne
© Fylkesarkivet.
Knut Kvikne (1844-1914) frå Lærdal, busett i Balestrand. Hotelleigar, som saman med broren Ole Kvikne bygde opp Kvikne's Hotel i Balestrand.
Knut emigrerte først til Amerika, men kom tidleg på 1880-talet tilbake og investerte sparepengar i hotellet som broren hadde kjøpt i Holmen i Balestrand. Medan Ole skjøtta hotelldrifta, arbeidde Knut mykje som guide og fjellførar for turistane.
Gifta seg i 1890 med engelske Margaret Sophia Green Kvikne, og lova henne å byggje den såkalla Engelsk-kyrkja i Balestrand (St. Olafs kyrkje). Knut Kvikne leia arbeidet med å byggje Balestrand kraftverk ved Ese i 1914.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 26.07.2011