Morten Haga Lunde

Morten Haga Lunde har hatt ein lang og samansett militær karriere før han tiltredde som etterretningssjef. Han har den faglege bakgrunnen sin som navigatør og innan maritim overvaking.

Haga Lunde starta utdanninga si ved Luftforsvarets flygeskule (1979–1980), med vidareutdanning ved Mather Air Force Base, US Air Force (1980–1981). Han gjekk ut av Luftkrigsskolen i 1987, og har vidare gått gjennom Forsvarets stabsskole (1994 og 1999), så vel som kurs ved NATO Defense College, Roma (2002 og 2010).

Haga Lunde starta si operative teneste som navigatør på Orion P3 overvakingsfly ved 333 skvadron på Andøya flystasjon i 1981. Han heldt fram som taktisk koordinator ved same skvadron i 1984. Frå 1987–1989 var han navisjonsleiar ved 330 skvadron, med Sea King redningshelikopter, ved Bodø hovudflystasjon. Deretter vart han beordra som instruktør for maritime luftoperasjonar ved Sjøforsvarets skulesenter KNM Tordenskjold, ved Haakonsvern orlogsstasjon (1989–1991).

Etter teneste som adjutant for Generalinspektøren for Luftforsvaret (1992–1992), vart Haga Lunde beordra som sjef for 335 skvadron, med C–130 Hercules transportfly, på Gardermoen flystasjon. I 1995–1997 var han sjef for detasjementet til skvadronen til NATOs freds- og stabiliseringsstyrkar i Bosnia-Hercegovina og Kroatia; Implementation Force (IFOR) og Stabilization Force (SFOR).

Etter teneste i dei internasjonale operasjonane på Balkan hadde Lunde Haga fleire stabsstillinger i Luftforsvarsstaben og Fellesstaben i Forsvarets overkommando, før han som brigader i 2003 vart luftoperativ inspektør i Luftforsvaret. I perioden 2006–2008 var han avdelingsleiar i Forsvarsdepartementet, for Avdelingen for operasjonar og beredskapsplanlegging, og deretter – som generalmajor – avdelingssjef for operasjonsavdelinga i Forsvarsstaben (2009–2010).

I 2010 vart Haga Lunde beordet som nestkommanderande og stabssjef ved Forsvarets operative hovudkvarter (FOH) på Reitan ved Bodø, for i 2013, som generalløytnant, å bli sjefen i hovudkvarteret. Denne stillinga hadde han til 2016, då han etterfølgde Kjell Grandhagen som sjef for Forsvarets etterretningsteneste. 3. november 2020 vart han etterfølgd av viseadmiral Nils Andreas Stensønes.

• Etterretningstenesta
• Luftforsvaret
• Norsk forsvarshistorie