Lars Westrem
Lars Westrem (1805-1880) fødd på Stedje, busett på Kaupangerskogen. Jordeigar og landbrukspionér.
Utdanna seg i medisin, veterinærfag og økonomi i Oslo og Paris. Tok over garden Vestreim på Kaupangerskogen i 1833, og dyrka den opp til eit mønsterbruk, m.a. ved moderne grøftingsmetodar.
Den første fylkeskommunale landbruksskulen (Jordbruksskulen på Vestreim) i Sogn og Fjordane kom i gang på Vestreim i 1846, og Westrem vart sjølv skulestyrar fram til skulen vart flytta til Mo i Førde i 1858. Då flytta Westrem frå bygda og kjøpte seg gard i Rygge, der han budde til han døydde. Westrem skreiv flittig om moderne jordbruksmetodar i riksaviser, og gav også ut boka «Det unge Skandinavia» i 1860.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 16.08.2011