Hopp til innhold
X
Innhald

Ludvig Trædal

Ludvig Trædal. © Fylkesarkivet.

Ludvig Trædal. © Fylkesarkivet.

Ludvig Trædal (1872-1967) frå Norum. Lege. Han tok medisinsk eksamen i 1898 og arbeidde først som distriktslege i ytre Sogn med bustad i Lavik før han i 1922 flytta til Sogndal til tilsvarande stilling.

I Sogndal budde han på garden Bahus som i 1961 vart teken til tomt for Sogndal Hotell. Trædal var ein av dei første i bygda som skaffa seg bil, i 1922.

Første fylkeslegen

Ludvig S. Trædal vart frå 1925 også engasjert som den første fylkeslegen i Sogn og Fjordane. Denne stillinga hadde Trædal på deltid til 1947. I 1961 flytta han til Oslo.

I tida som distriktslege i Lavik gjorde Trædal ein stor innsats for å få bygt tuberkulosesanatoriet i bygda (seinare Lavik sjukeheim). - sjå: Tuberkuloseheimane.

Trædal vart utnemnd til riddar av St. Olav orden i 1946.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 16.08.2011