M

Anstein Myhr, ungdomslagsorganisator, venstrepolitikar og revisjonssekretær. Han var sentral i skipinga av Noregs Ungdomslag og den første skrivaren i styret.

Antonello da Messina, 1430–79, var italiensk målar.

Aristide Maillol [majål], 1861–1944, er fransk bilethoggar, grafikar og målar.

Aslak Sira Myhre, kommentator, forfattar, fotballentusiast, tidlegare leiar for Raudt og direktør for Nasjonalbiblioteket frå 2014.

Bjørn Konrad Mehus, fødd 1941, er smykkekunstnar.

Bror Marklund, 1907–77, var svensk bilethoggar.

Ragnhild Caroline (Cally) Monrad, operasongar, lyrikar, dramatikar og teatersjef for det nazifiserte Det Norske Teatret.

Carl Malmsten, 1888–1972, var svensk møbelarkitekt.

Carl Milles, 1875–1955, var svensk bilethoggar.

Carlo Maderna, 1556–1629, var italiensk arkitekt og leiande i den første fasen av barokken i Roma.

Charles Rennie Mackintosh, 1868–1928, var britisk designar og arkitekt.

Christian F.J. von Munthe af Morgenstierne, 1880–1967, var arkitekt.

Christian Michelsen, politikar og skipsreiar. Som statsminister førte han Noreg ut av unionen med Sverige i 1905.

Constantin Meunier [mønje], 1831–1905, var belgisk bilethoggar.

Dagfinn Mannsåker, historikar og riksantikvar. Han gjorde ein viktig innsats for å byggje nytt riksarkiv på Kringsjå i Oslo.

Dagmar Myhrvold, oslojente som frå sine tidlegaste ungdomsår gjekk inn for å fremje nynorsken, og som i nesten 50 år var knytt til Det Norske Teatret som skodespelar, instruktør og pedagog.

Dagne Groven Myhren, kvedar og forskar med tydeleg og engasjert røyst.

Einar Mjølsnes, spelemann, fylkesmusikar og studiomusikar i ulike sjangrar.

Einar Myklebust, f. 1922, er arkitekt.

Elias Melvær, amtsskulelærar, målreisar og politikar. Han var den første som vart referert på landsmål i Stortinget.

Else Olaug Mundal, professor emerita i norrøn filologi, forskar med kulturhistorisk interesse som spenner frå norrøn grammatikk til helgenlegender, kjennar i særklasse av kvinnehistoriske emne og av norrøne litterære kjelder i mellomalderen.

Frances MacDonald, 1868–1955, var britisk designar innanfor art nouveau.

François Mansard [mãsar], 1598–1666, var fransk arkitekt.

Giacomo Manzù [mandzu], 1908–91, var italiensk bilethoggar og grafikar, og er rekna som ein av dei viktigaste i Italia i nyare tid.

Hans Erik Matre, pressemann, tidlegare redaktør i Vårt Land, Bergens Tidende og Aftenposten og direktør i Schibsted Norge.

Hans Mathias Mo, lærar, forfattar og komponist. Han skreiv tidleg lærebøker på landsmål og gav ut songbøker og tonesamlingar.

Henny Elisabeth Moan, norsk skodespelar. Ho har hatt ein sentral posisjon i norsk teater sidan 1950-åra og er dessutan kjend for medverknad i ei rekkje filmar.

Henrik Mohn, 1835–1916, var meteorolog og pioner for norsk meteorologisk og oseanografisk forsking. 

Henry Gwyn Jeffreys Moseley, 1888–1915, var britisk fysikar.

Henry Moore, 1898–1986, var britisk bilethoggar.

Holm Hansen Munthe, 1848–98, var arkitekt og representant for den nasjonale trearkitekturen i 1890-åra, «dragestilen».

Ivan Meštrović [mesjtråvitsj], 1883–1962, var kroatisk bilethoggar.

Jorun Kraft Mo, fødd 1949, er kunsthandverkar.

Kolbein Melvær var skodespelar ved Det Norske Teatret og seinare lensmann i Dale i Sunnfjord.

Lydolf Lind Meløy, skulemann og politikar. Han samla lærarane i éin organisasjon, vart skuledirektør i Finnmark og arbeidde for styrking av samisk språk og kultur.

Lars Magnus Moen, skreddar og Arbeidarpartipolitikar frå Oppland, medverka til utforminga av Arbeidarpartiet sin skule- og kulturpolitikk i åra rett etter andre verdskrigen.

László Moholy-Nagy [måhåj-nadj], 1895–1946, var ungarsk bilethoggar, målar og kunstteoretikar.

Leiv Mjeldheim, historikar ved Universitetet i Bergen. Han arbeidde særleg med norsk politisk historie og publiserte det meste av arbeida sine på nynorsk.

Lillian Klausen Mangerøy debuterte med Berre eit menneskebarn i 1983.

Magnar Mikkelsen, allsidig og engasjert journalist og forfattar som har vore oppteken av å formidle utviklinga i Finnmark i etterkrigstida.

Magne Myhra var forfattar og lærar. I bøkene sine viser han stor omsut for dei som har falle utanfor.

Marcus Jacob Monrad var professor i filosofi ved Universitetet i Kristiania frå slutten av 1840-talet til han døydde. 

Margaret MacDonald Mackintosh, 1864–1933, var britisk designar innanfor art nouveau og høyrde til «dei fire» i Glasgow.

Mario Merz, 1925–2003, var italiensk objektkunstnar og leiande innanfor arte povera.

Marisol (eigentleg Maria Sol Escobar), fødd 1930, er venezuelansk bilethoggar.

Maurice Merleau-Ponty, 1908–61, var fransk filosof og psykolog.

Michelangelo di Lodovico Buonarroti Simoni, 1475–1564, var italiensk bilethoggar, målar, diktar og arkitekt, og ein av dei største personane i verdskunsten.

Gresk bilethoggar som verka kring midten av 400-talet f.Kr.

Nina Malterud, fødd 1951, er keramikar.

Ola Mjanger, lærar og forfattar som tok nynorsken med til Vestfold.

Olav Midttun, litteraturforskar og riksprogramsjef. Han skulle vikariere som redaktør i Syn og Segn i eitt år, og blei verande der i 52 år.

Olav Mosdøl, lærar, forfattar og lyrikar knytt til Setesdal og Telemark. Han står bak meir enn 25 utgivingar i ulike sjangrar. Mange av tekstane hans er tonesette.

Peder Olsen Morset, lærar, klokkar og bonde. Morset var aktiv i motstandsarbeidet under den tyske okkupasjonen av Noreg, vart hardt torturert av Gestapo og til slutt avretta.

Peter Andreas Munch Mellbye, 1918–2005, var arkitekt.

Philip Melanchton, 1497–1560, var tysk reformator og humanist, Luthers nære ven og medarbeidar. 

Pierre de Montereau [pierr də montərå], var fransk arkitekt.

Reidar Morset var lærar og motstandsmann under andre verdskrigen. Etter krigen vart han skulesjef og skapte radiohistorie.

Rolf Myklebust, musikar og tradisjonssamlar. Han gjorde Folkemusikkhalvtimen i NRK Radio til programmet mange snakka negativt om, men som mange fleire lytta til.

Sigurd Muri var arkitekt og forfattar. Han arbeidde lenge som konsulent for kyrkjebygg i Kyrkje- og undervisningsdepartementet. Forfattarskapen spenner frå fagbøker om norske kyrkjer til prosalyrikk og adventssalmen «No tenner vi det første lys».

Siri Lill Mannes, journalist og forfattar. I 18 år var ho journalist og nyhendeanker i TV2, heidra med Kringkastingsprisen for frisk og ledig formidling av nyhende.

Svanhild Gunvor Mundheim, nynorsk hallodame og programleiar i NRK. Ho vart kjend for røysta si og varlege godnattord ved sendeslutt.

Tordis Elfrida Maurstad, skodespelar. Ho sette standarden for moderne skodespelarkunst.

Viking Mestad, bankdirektør og teatermann. Han hadde ansvaret for både Det Norske Teatret og Nynorsk Pressekontor i avgjerande periodar for desse verksemdene.

Øyonn Groven Myhren, komponist, kvedar, lyre- og seljefløytespelar frå Oslo, med allsidig repertoar og med balladar som spesialitet.