Faktaboks

Åse Michaelsen

tidlegare Åse Schmidt

Fødd
4. juni 1960, Mandal (no Lindesnes), Agder
Åse Michaelsen.
Stortinget.

Åse Michaelsen er tidlegare stortingsrepresentant for Framstegspartiet (FrP) frå Vest-Agder i 2005–2017 og tidlegare eldre- og folkehelseminister i regjeringa Solberg i 2018–2019.

Bakgrunn

Åse Michaelsen er fødd i Mandal (no Lindesnes) i Vest-Agder (no Agder). Ho gjekk på Mandal gymnas i 1976–1979, studerte engelsk ved Kristiansand lærerhøgskole (no Universitetet i Agder) i 1980–1981, tok utdanning til trenarinstruktør i Herne i Tyskland i 1982–1984 og studerte leiing og ressurseffektivisering ved Universitetet i Agder i 2008–2009.

Ho hadde praksisplass i eit arkitektfirma i Datteln i Tyskland i 1981–1982, arbeidde som handling coordinator i SAS i Düsseldorf i 1984–2000, i Kristiansand i 1990–2000 og på Gardermoen i 2000–2005. Ho var innehavar av ein bensinstasjon i Mandal i 2005–2007.

Politisk karriere

Michaelsen var medlem av formannskapet i Mandal bystyre i 1995–2011, medlem av sentralstyret i Framstegspartiet i 1998–2005, leiar av økonomi- og næringsutvalet i FrP i 1999–2002 og medlem av FrPs programutval i 2001–2002.

Michaelsen var innvald som stortingsrepresentant for Framstegspartiet frå Vest-Agder frå 2005 til 2017. Ho var medlem av kyrkje-, utdannings- og forskingskomiteenStortinget i 2005–2009, av justiskomiteen i 2009–2013 og av transport- og kommunikasjonskomiteen i 2013–2017. Michaelsen var visesekretær ved Lagtinget i 2005–2009. Ho stilte ikkje til attval ved stortingsvalet i 2017.

Ved utvidinga av regjeringa Solberg i 2018 blei Åse Michaelsen statsråd i Helse- og omsorgsdepartementet, som eldre- og folkehelseminister. Ho var den første statsråden som hadde denne posten. Ho måtte gå av som eldre- og folkehelseminister i 2019 til fordel for Sylvi Listhaug, då Listhaug blei vald til nestleiar i Framstegspartiet i 2019.

Andre verv

Michaelsen var meddommar i lagmannsretten i Mandal i 1995–2007, i barnevernsnemnda i Vest-Agder i 2003–2005 og i tingretten i Mandal i 2003–2007. Ho var nestleiar i styret for Halse Eiendom i 2004–2005 og medlem av dette styret frå 2007.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg