Faktaboks

Hans Erik Matre
Fødd
14. mai 1955, Ski, Akershus
Hans Erik Matre

Hans Erik Matre med et eksemplar av Aftenposten i nytt tabloidformat, 2005.

Av /NTB Scanpix ※.

Hans Erik Matre er ein norsk avisredaktør. Han har vore redaktør i Vårt Land, Bergens Tidende og Aftenposten og direktør i Schibsted Norge.

Bakgrunn

Hans Erik Matre er fødd i Ski i Akershus. Han gjekk vidaregåande skule i 1971–1974. Deretter tok han grunnfag i statsvitskap og mellomfag i kristendom ved Universitetet i Oslo i 1974–1975.

Journalistikken

Matre blei tilsett i Vårt Land i 1975, og i 1980–1983 var han redaksjonssjef og i 1983–1989 sjefredaktør. Deretter var han sjefredaktør og administrerande direktør i Norsk Telegrambyrå (NTB) i 1989–1994 og hadde same stilling i Bergens Tidende i 1994–1997. Dei neste sju åra arbeidde han i Schibsted ASA, først som redaktør og seinare som direktør. I 2004–2009 var han sjefredaktør i Aftenposten, og etter det var han direktør i Schibsted Norge.

Matre var sjefredaktør i Aftenposten då avisa gjekk over til tabloidformat i 2005, og helgemagasinet A-magasinet var det han som lanserte same året. Som redaktør var han nyskapande og greidde å halde gode lesartal i ein fallande avismarknad.

Anna engasjement

Hans Erik Matre var leiar for Norsk Redaktørforening i 1988–1997 og leiar av Verdikommisjonens råd i 1998–2001. Han var medlem (1998–2002) og seinare leiar (2002–2004) i hovudstyret i Misjonsalliansen, medlem av soknerådet i Ski frå 2015 og var i fleire år medlem av styret i Fædrelandsvennen, Bergens Tidende og Stavanger Aftenblad.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg